ინგრედიენტები:
კარტოფილი - 1 კგ
ბადრიჯანი - 600 გრ
ხახვი - 1 ცალი
ნიორი - 4 კბილი
მზესუმზირის ზეთი - 70 მლ
კამა, მარილი, შავი პილპილი - გემოვნებით
მომზადების წესი:
1. გათალეთ ბადრიჯანი და დაჭერით საშუალო ზომის კუბიკებად. გააცხელეთ ტაფაზე ზეთი და შეწვით ბადრიჯანი, მაგრამ არ მიიყვანოთ ფაფისებურ მდგომარეობამდე. გადმოიღეთ თეფშზე და დააცადეთ გაგრილება.
2. კარტოფილი გათალეთ და ისიც იმავე ზომის კუბიკებად დაჭერით, შემდეგ კი დაბრაწეთ გაოქროსფერებამდე. დაამატეთ წვრილად დაჭრილი ხახვი და კიდევ 1-2 წუთი დატოვეთ ცეცხლზე.
3. კარტოფილში ჩაამატეთ ბადრიჯანი, მოაყარეთ მარილი, პილპილი და კარგად გადაურიეთ. დაახურეთ თავსახური და დატოვეთ ცეცხლზე კიდევ რამდენიმე წუთით, შემდეგ გადმოდგით.
4. დაჭერით კამა წვრილად და აურიეთ მასში დაჭყლეტილი ნიორი. მოაყარეთ კერძს ზემოდან და კიდევ რამდენიმე წუთით გააჩერეთ სუფრასთან მიტანამდე.
გემრიელად მიირთვით!