4 პერსონისთვის საჭირო შემადგენლობა და მათი ღირებულება
2 ფილა შავი შოკოლადი (სასურველია „კორონა“) - 4 ლარი;
4 ცალი კვერცხი - 1,40 ლარი,
125 გრ. კარაქი - 1,50 ლარი,
4 სუფრის კოვზი შაქარი - დაახლოებით, 0,50 ლარი;
4 სუფრის კოვზი ფქვილი - დაახლოებით, 0,50 ლარი
4 პერსონისთვის „ბრაუნის“ მომზადება სახლის პირობებში 7.90 ლარი დაგიჯდებათ.
მომზადების წესი:
შოკოლადი კუბიკებად დატეხეთ და ჯამში ჩაყარეთ;
დაამატოთ კარაქი და შედგით მიკროტალღურ ღუმელში ან დაადგით ძალიან დაბალ ცეცხლზე;
სანამ შოკოლადი და კარაქი გადნება, ცალკე ჯამში კარგად ათქვიფეთ 2 მთლიანი კვერცხი და 2 კვერცხის გული;
თქვეფის პარალელურად ჯამში ჩაამატეთ ჯერ შაქარი და შემდეგ ფქვილი.
ამის შემდეგ დაამატოთ გამდნარი შოკოლადისა და კარაქის ნაზავი და კიდევ ათქვიფეთ.
მზა მასა ჩაასხით ფორმებში და შედგით 200 გრადუსზე გაცხელებულ ჰაერღუმელში 10 წუთით.
შენიშვნა:
ნამცხვრის მომზადებისთვის დაგჭირდებათ, დაახლოებით, 20 წუთი. „ბრაუნს“ მიირთმევენ ცხლად და სასურველია, ნაყინთან ერთად.
გემრიელად მიირთვით!