მასალა ორი ულუფისთვის:
გასუფთავებული მიდიები - 500 გრ
ხახვი - 200 გრ
საშუალო ზომის პომიდორი - 3 ცალი
ტომატ-პასტა - 3 ს/კ
ნიორი - 2 კბილი
სოიოს სოუსი - 1 ჩ/კ
მზესუმზირის ზეთი
მჟავე კიტრის ნახევარი
მწვანილი - ქინძი, ტარხუნა, კამა.
სუნელები: დაფქვილი თეთრი პილპილი, უცხო სუნელი, დაფქვილი წითელი წიწაკა, პაპრიკა (ტკბილი წიწაკა), მარილი - გემოვნებით.
მომზადების წესი:
ღრმა ტაფას ვდგამთ დაბალ ცეცხლზე, ვასხამთ ზეთს და ვყრით მიდიებს.
ხახვს ვჭრით წვრილად, 2 წუთის შემდეგ ვყრით ტაფაში მიდიებთან და კარგად ვურევთ.
შემდეგ ვამატებთ 3 ს/კ ტომატ-პასტას.
პომიდორს ვაცლით კანს, წვრილ კუბიკებად ვჭრით და ტაფაში ვყრით.
გემოვნების მიხედვით ვამატებთ ყველა ზემოთ ჩამოთვლილ სუნელს.
ნიორს ვჭრით წვრილად, მჟავე კიტრს კი კუბიკებად და ორივეს ვყრით ტაფაში.
ვამატებთ წყალს ისე, რომ მიდიები ოდნავ დაიფაროს და კარგად ვურევთ.
ვასხამთ ცოტა სოიოს სოუსს და ვამატებთ მარილს გემოვნებით.
კერძის მომზადებამდე ერთი წუთით ადრე ვამატებთ წვრილად დაჭრილ მწვანილებს.
შენიშვნა:
კერძის მომზადებას დაახლოებით, 15 წუთი დასჭირდება.
მიდიის ჩაშუშულს ძალიან უხდება თეთრი ღვინო.
ამ კერძის მომზადება, დაახლოებით, 11.30 ლარი დაგიჯდებათ.
გემრიელად მიირთვით!..