შემადგენლობა:
7 კვერცხი
1 კილოგრამი შაქარი
400 გრამი კარაქი
ნახევარი ჭიქა ზეთი
ლიმონის ან ფორთოხლის ცედრა 1 სუფრის კოვზი
1 ჭიქა ცუკატი
1 ჭიქა ქიშმიში
1 ლიტრი რძე
თითო ჩაის კოვზი პასკის სუნელები: ილი, შაფრანი, მუსკატის კაკალი და ნახევარი ჩაის კოვზი მიხაკ-დარიჩინი.
2 ,5 კგ პურის ფქვილი
80 გრამი საფუარი (ერთი შეფუთვა „პაკმაი“)
ვანილი.
მომზადების წესი:
კვერცხი და შაქარი კარგად ათქვიფეთ. დაამატეთ ვანილი, ლიმონის ან ფორთოხლის ცედრა და პასკის სუნელები. შემდეგ ჩაასხით გამდნარი კარაქი და ზეთი.
ცალკე ჯამში ჩაყარეთ საფუარი, დაამატეთ 1 სუფრის კოვზი შაქარი და ნახევარი ლიტრი თბილი წყალი (თითს ოდნავ რომ „კბენდეს“).
2-3 წუთში საფუარი ამოფუშფუშდება. კარგად მოურიეთ და ჩაასხით გოგლიმოგლიან ჯამში. დაამატეთ თბილი რძე, ფქვილი მხოლოდ 2 კილოგრამი (დარჩენილი ნახევარი კილოგრამი ფქვილი მეორე მოზელვისთვის უნდა შეინახოთ) და ცომი მოზილეთ.
მოზელის შემდეგ უნდა გამოვიდეს თხელი, ფუმფულა ცომი, რომელიც კარგად შეახვიეთ, ცელოფანი გადააფარეთ და ზემოდან დათბილეთ (შეგიძლიათ, თხელი ბალიში დაადოთ ან პლედი გადააფაროთ). ცომი, დაახლოებით, 2 საათში ამოვა.
ამოსული ცომი, დარჩენილ ნახევარ კილოგრამ ფქვილში არეულ ქიშმიშთან და ცუკატებთან ერთად, კარგად ჩაზილეთ და ისევ შეფუთეთ.
ცომის მეორედ ამოსვლას ორი საათზე ნაკლები დასჭირდება.
ცომი ამოვა თუ არა, ზეთში დასველებული ხელით გუნდები ამოიღეთ და ცხიმწასმულ ფორმებში ჩაალაგეთ.
ფორმაში ცომი ისე უნდა ჩადოთ, რომ ფორმის მესამედი შეავსოთ.
აცადეთ 15-20 წუთი. როცა ცომი ფორმებში ამოვა და ბოლომდე შევსებას ცოტა დააკლდება, შედგით საშუალო ტემპერატურაზე დაყენებულ ღუმელში.
ცხობას, დაახლოებით, 30-45 წუთი დასჭირდება.
პასკა გამომცხვარია თუ არა, ამის გაგებას გრძელი ჩხირით შეძლებთ - პასკის შუაგუში ჩაარჭეთ ჩხირით და ცომი თუ არ ამოყვება, ჩვენი უგემრიელესი პასკა მზადაა.
გაციებულ პასკას მოაყარეთ ვანილთან ერთად არეული შაქრის პუდრა.
შენიშნვა:
საფუარის შეძენისას აუცილებლად მიაქციეთ ყურადღება გამოშვების თარიღს - გახსოვდეთ, რომ ვადაგასული საფუარი ცომს ვერ ამოიყვანს. პასკის ცომის გამზადებას 15-20 წუთი სჭირდება, ცომის პირველ და მეორე ამოსვლას კი - დაახლოებით, 5 საათი.
მთლიანად, პასკის გამოცხობას, დაახლოებით, 7-8 საათი დასჭირდება.
გემრიელად მიირთვით!
P.S. საკონდიტრო „ჭიამაიას“ საფირმო ნიშანი მხოლოდ კარაქზე დამზადებული, უმაღლესი ხარისხის ნამცხვრები და ტორტებია.
პროდუქციის ნახვა შეგიძლიათ ფეისბუკის გვერდზე: საკონდიტრო ჭიამაია