ქავთარაძის # 19-ში მდებარე პურის საწარმო „იბერია 2012“-ის ტექნოლოგი რუსუდან ანდრიაძე, ექსკლუზიურად ჩვენი მკითხველისთვის, უგემრიელესი თაფლაკვერების რეცეპტს გვიმხელს.
ინგრედიენტები:
შაქარი - 1/2 კგ.
სოდა - 25 გრ 1 სუფრის კოვზი
თაფლი - 250 მლ.
წყალი
ფქვილი - 750 გრ
ზემოჩამოთვლილი ყველა ინგრედიენტი ერთად მოათავსეთ ჯამში.
კარგად აურიეთ და მაგარი ცომი მოზილეთ.
გამზადებული ცომი გააბრტყელეთ თითის სისქეზე.
ჭიქის დახმარებით დაჭერით თქვენთვის სასურველი დიამეტრის რგოლებად და ზომიერ ტემპერატურაზე გამოაცხვეთ.
საბოლოო სახე რომ მიიღოს, მზა თაფლაკვერები სიროფში უნდა ამოავლოთ.
ამას თაფლაკვერის მოჭირხვლა ეწოდება.
თაფლაკვერის მოჭირხვლა:
1/2 კგ. შაქარს დაასხით 250 მლ. წყალი და, დაახლოებით, 20 წუთი ადუღეთ.
ამ პროცესში მთავარია, ზუსტად განსაზღვროთ სიროფის დუღილის დრო, რათა არ დაკრისტალდეს. გამომცხვარი თაფლაკვერები ჩააწყვეთ თუშფალანგში და გამზადებული სიროფი გადაავლეთ.
როგორც კი თაფლაკვერს სიროფი შეაშრება, ნამცხვარი მზადაა.
გემრიელად მიირთვით!
