ყველის სალათი რესტორან „შატროს“ მზარეულ დავით გიორგბერიძის რეცეპტით.
2 ულუფა ყველის სალათისთვის საჭირო მასალა:
სულგუნი - 100 გრ;
კიტრი - 50 გრ;
პომიდორი - 50 გრ;
უკურკო ზეთის ხილი - 30 გრ;
გაუდა (ჰოლანდიური ყველი) - 50 გრ;
სალათის ფურცლები - 50 გრ;
მაიონეზი - 50 გრ;
მარილი, თეთრი ან შავი პილპილი - გემოვნებით.
მომზადების წესი:
კუბიკებად დაჭრილი სულგუნი ჩაყარეთ თასში.
პომიდორს ამოაცალეთ გული, დაჭერით კუბიკებად. დაამატეთ, ასევე კუბიკებად დაჭრილი კიტრი და გადაიტანეთ ყველიან თასში.
დაამატეთ წვრილად დაჭრილი სალათის ფურცლები, რამდენიმე ნაწილად გაჭრილი ზეთის ხილი, პილპილი და მარილი გემოვნებით.
მიღებულ მასას მოასხით მაიონეზი და კარგად გადაურიეთ.
გადაიტანეთ სალათი ლამაზ თეფშზე და ბოლოს ზემოდან ლამაზად მოაყარეთ გახეხილი გაუდას ყველი.
სალათი მზად არის!
შენიშვნა:
თუკი ყველი მარილიანია, სალათს მარილის დამატება არ დასჭირდება.
თუკი ყველის სალათს სადღესასწაულო სუფრისთვის ამზადებთ, შეგიძლიათ, უკვე თეფშზე გადატანილი სალათი მწვანილებით ლამაზად მორთოთ.
2 ულუფა ყველის სალათის მომზადებას 15 წუთი დასჭირდება და 6 ლარი დაგიჯდებათ.
გემრიელად მიირთვით!
