ნიგვზიანი ხბოს გულ-ღვიძლის რეცეპტი რესტორან „შატროს“ მზარეულ დავით გიორგბერიძისგან.
2 ულუფის მოსამზადებლად საჭირო მასალა:
ხბოს გულ-ღვიძლი - 300 გრ;
ნიგოზი - 100 გრ;
უცხო სუნელი, ქონდარი, წითელი დაღერღილი წიწაკა - 15 გრ;
ნიორი - 2 კბილი;
ხახვი - 2-3 თავი;
ოხრახუში - 100 გრ;
მარილი გემოვნებით;
ბროწეული - რამდენიმე მარცვალი.
მომზადების წესი:
კარგად გარეცხილი გულ-ღვიძლი მოხარშეთ.
შემდეგ დაჭერით პატარა კუბიკებად, დააყარეთ წვრილად დაჭრილი ხახვი, ოხრახუში, სუნელები და დაჭყლეტილი ნიორი.
დაამატეთ გატარებული ნიგოზი და მარილი გემოვნებით.
მიღებული მასა კარგად გადაურიეთ;
ბოლოს მოაყარეთ ბროწეულის მარცვლები.
გემრიელად მიირთვით!
შენიშვნა:
მომზადებულ ხბოს გულ-ღვიძლს შეგიძლიათ, მოასხათ ოდნავ ძმარი.
იმისთვის, რომ ნიგოზი კარგად გაიხსნას, დაამატეთ ოდნავ ბულიონი (არავითარ შემთხვევაში არ გამოიყენოთ ხბოს გულ-ღვიძლის ნახარში) ან ოთახის ტემპერატურის წყალი.
თუკი კერძი სუფრასთან მისატანად მოამზადეთ, შეგიძლიათ, მორთოთ სალათის ფურცლებით და წითელი ბულგარული წიწაკით. კერძი უფრო მიმზიდველი და ფერადი გახდება.
2 ულუფა ხბოს გულ-ღვიძლის გასაკეთებლად 30 წუთი დაგჭირდებათ და 10 ლარი დაგეხარჯებათ.