უნივერსალური ფენოვანი ცომის რეცეპტი ექსკლუზიურად, „Funtime“-ის მკითხველებისთვის გაგვიზიარა მრავალპროფილიანი კომპანია „მარშეს“ საცხობის მენეჯერ-ტექნოლოგმა ირინა გიქოშვილმა.
ამ რეცეპტით ცომის მომზადებას ნებისმიერი, თუნდაც დამწყები დიასახლისი მარტივად მოახერხებს. მთავარია პროპორციებისა და ტემპერატურული რეჟიმის ზუსტად დაცვა და მონდომება.
ცომის მომზადებისთვის საჭირო ინგრედიენტები:
ფქვილი - 1 კგ. უმაღლესი ხარისხის;
წყალი - ნახევარი ლიტრი;
მარილი - 20 გრამი.
ფენოვანი ცომისთვის განკუთვნილი მარგარინი - 250 -300 გრ. ოთახის ტემპერატურის.
ცომის მომზადების წესი:
ფრანგული ფენოვანი ცომისთვის ძალიან დიდი მნიშვნელობა აქვს, რა ხარისხის ნედლეულს ვიყენებთ.
ფქვილი უნდა იყოს აუცილებლად უმაღლესი ხარისხის, მარგარინი კი - ფენოვანი ცომისთვის განკუთვნილი
ფქვილის, მარილისა და წყლისგან მოზილეთ მაგარი ცომი და გაყავით ორ გუნდად.
თითოეული გუნდა გააბრტყელეთ, დაადეთ მარგარინი, გადაკეცეთ და ისევ გააბრტყელეთ.
ამ პროცესის დროს აუცილებლად უნდა დაიცვათ ტემპერატურული რეჟიმი.
ცომისა და მარგარინის ტემპერატურა ერთნაირი უნდა იყოს.
ცომის გაბრტყელებისა და გადაკეცვის პროცესი, მინიმუმ, ოთხჯერ მაინც უნდა გამეორდეს.
ყოველი დაფენოვნების შემდეგ ცომი მაცივარში (და არა საყინულეში!) ნახევარი საათით შეინახეთ. მთლიანად, ფენოვანმა ცომმა მაცივარში, მინიმუმ, 2 საათი მაინც უნდა გაატაროს, თუმცა, საბოლოო დაფენოვნების შემდეგ შეგიძლიათ, მაცივარში მთელი ღამითაც დატოვოთ და მეორე დღეს გამოიყენოთ. გახსოვდეთ, რომ ამ ცომისთვის დაფენოვნება ძალიან მნიშვნელოვანი პროცესია.
დაფენოვნება სხვადასხვანაირი არსებობს.
ჩვენთან გამოიყენება ფრანგული კეცვის მეთოდი.
სახლის პირობებში უფრო გავრცელებულია კონვერტისებური დაკეცვა.
ცომის ხარისხი მნიშვნელოვნად არის დამოკიდებული ფენების რაოდენობაზე.
1 სმ. სისქის ფენოვან ცომში ფენების რაოდენობა 70-დან იწყება და შეიძლება 300-მდე ავიდეს.
ჩვენთან დაფენოვნების პროცესს მანქანები ძალიან ეფექტურად ახორციელებენ.
სამწუხაროდ, ასეთი ეფექტის მიღწევა სახლის პირობებში თითქმის შეუძლებელია, თუმცა გახსოვდეთ, რომ ხაჭაპურისთვის და ლობიანისთვის ფენოვანი ცომი, დაახლოებით 1 სმ. სისქეზე უნდა გააბრტყელოთ, „ნაპოლეონი“ და კრემიანი მილაკები კი - 2 სმ-ზე.
ცნობისათვის:
მრავალპროფილიანი კომპანია „მარშე“ სავაჭრო ქსელში გთავაზობთ უნივერსალურ ფენოვან ცომს, რომელიც გაყინული სახით იყიდება.
შეგიძლიათ, ცომი ოთახის ტემპერატურაზე გაალღოთ და შემდეგ გამოიყენოთ ნებისმიერი პროდუქტის საწარმოებლად.
გაითვალისწინეთ, რომ ერთხელ გალღობილი ცომის ხელმეორედ გაყინვა დაუშვებელია.