კექსის მომზადებისთვის საჭიროა:
კვერცხი - 2 ცალი
შაქარი - 200 გრ.
ფქვილი - 300-400 გრ.
მაწონი - 250 გრ.
სოდა - 1 ჩ.კ.
ზეთი - 100 გრ.
ვანილი
მწიკვი მარილი
გახეხილი ლიმონი - 1 ცალი.
მომზადების წესი:
კვერცხი და შაქარი კარგად ათქვიფეთ.
მოცულობაში კარგად რომ მოიმატებს, დაუმატეთ მაწონი, სოდა, ზეთი, ლიმონი, ვანილი და მარილი.
ცოტა ხანს კიდევ თქვიფეთ და ბოლოს დაუმატეთ ფქვილი, ისე რომ არაჟნის სისქის ცომი მიიღოთ.
გამზადებული ცომი ცხიმწასმულ „ბურჟუიკაში“ ჩაასხით და თავზე ტკბილი საფანელი მოაყარეთ.
ტკბილი საფანელის მომზადების წესი:
2 სუფრის კოვზი შაქარი, 4 სუფრის კოვზი ფქვილი და 2 სუფრის კოვზი ზეთი კარგად ასრისეთ ერთმანეთში და „ბურჟუიკაში“ ჩასხმულ ცომს თავზე მოაყარეთ.
სურვილის შემთხვევაში, 2 სუფრის კოვზი კაკაოს დამატებაც შეგიძლიათ.
კექსი ცხვება საშუალო ცეცხლზე, 20 წუთის განმავლობაში.
შენიშვნა:
თუ სახლში ბებიას დანატოვარი „ბურჟუიკა“ არ მოგეპოვებათ, გულს ნუ გაიტეხთ.
ამ მარტივად მოსამზადებელი კექსის გამოცხობა ნებისმიერ ფორმაში ან გაზქურის ლანგარზეც შესაძლებელია.
გემრიელად მიირთვით!
