ბისკვიტის შემადგენლობა:
კვერცხი - 12 ცალი
შაქარი - 12 სუფრის კოვზი
გაცრილი ფქვილი - 13 სუფრის კოვზი
ვანილი.
ბისკვიტის მომზადების წესი:
კვერცხის ცილები მიქსერით ისე ათქვიფეთ, რომ ღრუბლისებური კონსისტენციის მასა მიიღოთ.
თქვეფის შეუჩერებლად დაამატეთ შაქარი. სამი-ოთხი წუთი კიდევ თქვიფეთ და შემდეგ სათითაოდ შეათქვიფეთ კვერცხის გულები.
5-6 წუთიანი თქვეფის შემდეგ მიქსერი გამორთეთ და მასას ნელ-ნელა შეურიეთ გაცრილი ფქვილი და ვანილი. ცომს ხის კოვზით ფრთხილად მოურიეთ და ჩაასხით ცხიმწასმულ ყალიბში, რომელსაც ძირზე პერგამენტის ქაღალდი ექნება დაფენილი.
ბისკვიტი დაახლოებით, 100-150%-ზე, ნახევარი საათის განმავლობაში უნდა აცხოთ.
ბისკვიტის დასანამი სიროფი:
შაქარი - 1 ჭიქა
წყალი - 1 ჭიქა
კონიაკი - 1 სუფრის კოვზი
ვანილი.
წყალი და შაქარი წამოადუღეთ, გააგრილეთ, დაუმატეთ კონიაკი და ვანილი.
კრემის მომზადებამდე ფაფის გაკეთება მოგიწევთ
რძე - 1 ჭიქა+ნახევარი
შაქარი - 3 სუფრის კოვზი
ფქვილი - 3 სუფრის კოვზი
შაქარი და ფქვილი ერთმანეთში აურიეთ.
ნელ-ნელა დაუმატეთ თბილი რძე და დაბალ ცეცხლზე განუწყვეტლივი მორევით ადუღებამდე მიიყვანეთ. შემდეგ ცეცხლიდან გადმოდგით და კარგად გააცივეთ.
კრემი:
შესქელებული რძე - 1 ქილა + ნახევარი
კარაქი - 350 გრამი
გაციებული ფაფა.
კარაქი და შესქელებული რძე კარგად ათქვიფეთ და დაუმატეთ უკვე გაგრილებული ფაფა.
კრემი კიდევ რამდენიმე წუთი თქვიფეთ და მზადაა.
გაგრილებული ბისკვიტი შუაზე გაჭერით და კარგად დანამეთ.
შემდეგ წაუსვით გამზადებული კრემი.
დარჩენილი კრემი ტორტს თავზე და გვერდებზე წაუსვით.
მზა ტორტის მოსართავად თეთრი კარამელი ან მორჩენილი კრემი გამოიყენეთ.
ტორტის შუაგულში ნაძვის ხე უნდა ჩადგათ. ამისთვის აიღეთ ორცხობილას სამი ჩხირი (საკნატუნო) და ტორტის ცენტრში ჩაარჭვეთ. ცოტაოდენი ტორტის კრემს შეურიეთ მწვანე ფერი და საკონდიტრო მოსართავი პარკით ჩხირებს „წიწვები“ დაასვით.
სანამ ტორტის მორთვაზე გადახვიდოდეთ, შეგიძლიათ ცოტაოდენი ჩხირებზე წაივარჯიშოთ.
მცირეოდენი მონდომება და ნაძვის ხე აუცილებლად გამოგივათ.
ბედნიერ შობა-ახალ წელს გისურვებთ!