შემადგენლობა:
შაქარი - 150 გრ.
კარაქი - 100 გრ.
კვერცხი - 1 ცალი
ფქვილი - 170 გრ. (შეიძლება 100 გრ. ფქვილი და 70 გრ. ჰერკულესი)
გამაფხვიერებელი - 5 გრ. (1 ჩაის კოვზი)
შავი შოკოლადი - 100 გრ.
მომზადების ტექნოლოგია:
არაჟნის კონსისტენციამდე დარბილებული კარაქი და შაქარი ხელის სათქვეფელათი მსუბუქად ათქვიფეთ. დაუმატეთ კვერცხი და ორიოდე წუთი კიდევ თქვიფეთ.
ათქვეფილ მასას ერთი ჩაყრით დაუმატეთ ფქვილი, რომელშიც არეულია გამაფხვიერებელი და ცომი ხის კოვზით ამოურიეთ.
დაამატეთ წვრილად დაჭრილი (და არა გახეხილი) შოკოლადი, კარგად მოურიეთ და გაამზადეთ, დაახლოებით, მოზრდილი კაკლის ზომის ბურთულები.
საკონდიტრო ქაღალდს წაუსვით ცხიმი, დააფინეთ ჰაერღუმელის თუნუქის ფირფიტაზე და მოაწყვეთ ცომის ბურთულები.
ცხვება 195 გრადუსზე, 10-12 წუთის განმავლობაში.
შენიშვნა:
ცხობის დროს ცომის ბურთულები მოცულობაში იმატებს, ამიტომ, ერთმანეთს რომ არ მიეკროს, თუნუქის ფირფიტაზე ერთმანეთისგან მოშორებით უნდა დაალაგოთ.
გემრიელად მიირთვით!
ფოტოგრაფი ნინუცა მანდარია.