ტორტის ბისკვიტისთვის საჭიროა:
კვერცხი - 3 ცალი
შაქარი - 1,5 ჭიქა
არაჟანი - 1,5 ჭიქა
ფქვილი - 2 ჭიქა
საფუარი - 2 ჩ.კ.
კაკაო - 3 ჩ.კ.
კურკებგამოცლილი ალუბალი - 200 გრ.
მომზადების ტექნოლოგია:
კვერცხი და შაქარი კარგად ათქვიფეთ.
მოცულობაში საგრძნობლად რომ მოიმატებს, დაუმატეთ არაჟანი და თქვეფა გააგრძელეთ.
ცალკე ჯამში აურიეთ ფქვილი, საფუარი, კაკაო და ვანილი. დაუმატეთ არაჟნიან მასას და ხის კოვზით აურიეთ.
მზა ბისკვიტის ცომს დაუმატეთ 200 გრ. კურკებგამოცლილი ალუბალი.
გამზადებული მასა შემთბარ ფორმაში გადაიტანეთ, რომელშიც ცხიმწასმული კულინარიული ქაღალდია ჩაფენილი.
ბისკვიტი ზომიერ ცეცხლზე გამოაცხვეთ და გაცივების შემდეგ, ორ ან სამ ნაწილად გაჭერით.
კრემისთვის საჭიროა:
ხაჭო - 500 გრ.
არაჟანი - 1 სუფრის კოვზი
შაქრის პუდრა - 2/3 ჭიქა
მომზადების ტექნოლოგია:
ხაჭო საცერში გაატარეთ, შემდეგ დაუმატეთ არაჟანი, შაქრის პუდრა, ვანილი და კარგად აურიეთ.
კრემი წაუსვით ბისკვიტის თითოეულ ფენასა და და გვერდებს.
მზა ტორტი გამდნარი ან გახეხილი შოკოლადით და ალუბლებით მორთეთ.
შენიშვნა:
ალუბალი შეგიძლიათ, რომელიმე მჟავე ხილით ჩაანაცვლოთ.
გემრიელად მიირთვით!