ცომი:
წყალი - 1,5 ჭიქა
კარაქი - 150 გრ.
ფქვილი - 1,5 ჭიქა
კვერცხი - 6 ცალი
მომზადების წესი:
საშუალო ზომის ჯამში ჩაასხით წყალი და ცეცხლზე დაადგით. დაუმატეთ კარაქი. წყალი რომ წამოდუღდება და კარაქი გადნება, ჩაყარეთ ფქვილი, თან ხის კოვზით ურიეთ.
ცომი 2 წუთის განმავლობაში შუშეთ და ცეცხლიდან გადმოდგით.
როგორც კი გაგრილდება, სათითაოდ შეათქვიფეთ ან შეაზილეთ კვერცხები და კარგად აურიეთ.
მზა ცომი მილის მოგრძო ფორმებით დასვით ცხიმწასმულ თუნუქის ფურცელზე და ზომიერ ტემპერატურაზე გამოაცხვეთ.
კრემი:
არაჟანი - 400-500 გრ.
შაქარი ან შაქრის პუდრა - 1 ჩაის ჭიქა
ვანილი
კრემის მომზადების წესი:
კარგად გაციებული არაჟანი და შაქარი ათქვიფეთ, ისე, რომ შაქრის კრისტალები გაიხსნას და არაჟანი აფუმფულდეს.
დაუმატეთ ვანილი და კრემი მზადაა.
ტორტის აწყობა:
გამომცხვარი და გაგრილებული „თითები“ კარგად ამოავლეთ კრემში და გაშლილ ლანგარზე ისე დაალაგეთ, რომ ტორტის ფორმა მიიღოს.
თავზე მორჩენილი კრემი წაუსვით და გახეხილი შოკოლადი მოაყარეთ.
შენიშვნა:
ტორტის მორთვა მთლიანად თქვენს ფანტაზიაზეა დამოკიდებული. მთავარია, არ დაგავიწყდეთ, რომ გამზადებული ტორტი რამდენიმე საათით მაცივარში შედგათ.
გემრიელად მიირთვით!