ტორტის მოსამზადებლად საჭიროა:
ხაჭო - 1 კგ.
კარაქი - 150 გრ.
კვერცხი - 3 ცალი
შაქარი - 1,5 ჩაის ჭიქა
წვრილად დაჭრილი ნიგოზი - 1 ჩაის ჭიქა
ქიშმიში - ნახ. ჩაის ჭიქა
რძე - 2 ჩაის ჭიქა
ჟელატინი - 6 სავსე სუფრის კოვზი
ხილი (მარწყვი, ატამი, ალუბალი, გარგარი და ა.შ) - 1 კგ.
ხილის წვენი - 5 ჩაის ჭიქა
ვანილი.
მოქმედება 1:
ლითონის პატარა ჯამში ჩაყარეთ 3 კოვზი ჟელატინი, დაასხით რძე და 2 საათით გააჩერეთ. შემდეგ ჯამი დაბალ ცეცხლზე გადაიტანეთ და განუწყვეტელი მორევით ადუღებამდე მიიყვანეთ.
მოქმედება 2:
ლითონის მეორე ჯამში ჩაყარეთ 3 სუფრის კოვზი ჟელატინი. დაასხით ნებისმიერი, თქვენთვის სასურველი ხილის წვენი და 2 საათით გააჩერეთ. როგორც წინა შემთხვევაში, ჯამი ახლაც დაბალ ცეცხლზე გადაიტანეთ და განუწყვეტელი მორევით ადუღებამდე მიიყვანეთ.
მოქმედება 3:
კვერცხის ცილებისგან და ნახევარი ჭიქა შაქრისგან გააკეთეთ მყარი კონსისტენციის ბეზე.
მეორე ჯამში ათქვიფეთ ხაჭო.
ცალკე კარგად ათქვიფეთ კარაქი და შაქარი, დაუმატეთ კვერცხის გულები და ათქვეფილი ხაჭო.
ამ მასას შეურიეთ ნიგოზი, ქიშმიში, წინასწარ გამზადებული ბეზე, 1 ჭიქა დაჭრილი ხილი და კარგად მოურიეთ.
გამზადებულ მასას შეურიეთ ვანილი და რძიანი ჟელე (1 მოქმედებით მიღებული), ჩაასხით თქვენთვის სასურველ ფორმაში და ნახევარი საათით საყინულეში შედგით. ნახევარი საათის შემდეგ ფორმა საყინულედან გამოიღეთ, მორჩენილი ხილი ლამაზად მოაწყვეთ, მოასხით ჟელატინიანი ხილის წვენი (2 მოქმედებით მიღებული) და ისევ მაცივარში შედგით.
დაახლოებით, 2 საათის შემდეგ, „მხიარული“ სუფლეს ტორტი მზადაა.
შენიშვნა:
გაითვალისწინეთ, რომ ჟელატინის ადუღება არავითარ შემთხვევაში არ შეიძლება, რადგან ამ დროს ის კარგავს თავის თვისებებს.
შეგიძლიათ, ტორტში მხოლოდ ან ერთი სახეობის ხილი გამოიყენოთ, ან, სურვილის შემთხვევაში, ხილის კომბინაციაც გააკეთოთ.
რაც შეეხება ტორტის გაფორმებას, ეს თქვენს სურვილსა და ფანტაზიაზეა დამოკიდებული.
გემრიელად მიირთვით!