ტორტის შემადგენლობა:
რძე - 700 მლ.
ფქვილი - 100 გრ.
შაქარი - 350 გრ.
კარაქი - 150 გრ.
კვერცხი - 2 ცალი
კვერცხის გული - 4 ცალი
სახამებელი - 100 გრ.
ნაღები - 500 გრ.
თაფლი - 3 ს/კ
დაჭრილი ნუში - 200 გრ.
საფუარი - 30 გრ.
ჟელატინი - 10 გრ.
ვანილი - 2 ცალი
1 ცალი ლიმონის ცედრა
მწიკვი მარილი.
1-ლი მოქმედება: 200 მლ. თბილ რძეში გახსენით საფუარი.
მე-2 მოქმედება: ერთმანეთში აურიეთ 100 გრ. ფქვილი, 100 გრ. შაქარი, 150 გრ. დარბილებული კარაქი, 2 კვერცხი, ლიმონის ცედრა და ცოტა მარილი.
მე-3 მოქმედება: ერთმანეთში აურიეთ საფუარიანი რძე და ფქვილიანი ნაზავი. მოზილეთ ცომი და 1 საათით დააყოვნეთ.
მე-4 მოქმედება: ათქვიფეთ 70 გრ. შაქარი, 4 კვერცხის გული, 100 გრ. სახამებელი და 125 მლ. რძე.
მე-5 მოქმედება: დარჩენილი რძე გაათბეთ, დაუმატეთ 70 გრ. შაქარი და 1 ცალი ვანილი.
მე-6 მოქმედება: მე-4 და მე-5 მოქმედების პროდუქტი ერთმანეთს შეურიეთ, დაბალ ცეცხლზე დაადგით და განუწყვეტელი მორევით ადუღებამდე მიიყვანეთ.
მე-7 მოქმედება: გაახურეთ ღუმელი 200 გრადუსზე და ამოსული ცომი გააბრტყელეთ.
მე-8 მოქმედება: 100 გრ. ნაღებს შეურიეთ 100 გრ. შაქარი და 3 ს/კ თაფლი. დაუმატეთ 200 გრ. დაჭრილი ნუში და ეს მასა ადუღებამდე მიიყვანეთ.
მე-9 მოქმედება: თაფლიანი და ნუშიანი მასა მოასხით გაბრტყელებულ ცომს და 15 წუთით დააყოვნეთ. ამის შემდეგ, შედგით გახურებულ ღუმელში და 20 წუთის განმავლობაში გამოაცხვეთ.
მე-10 მოქმედება: 400 მლ. ნაღებში დაალბეთ ჟელატინი და ნახევარი საათი გააჩერეთ. შემდეგ დაბალ ცეცხლზე ოდნავ შეალღვეთ და გააცივეთ.
მე-11 მოქმედება: მოხარშული და გაციებული კრემი ათქვიფეთ, შეურიეთ ნაღებში დამბალი ჟელატინი და ვანილი.
მე-12 მოქმედება: გამომცხვარი ბისკვიტი გაჭერით დიაგონალზე. ფენებს შორის, თავსა და გვერდებზე წაუსვით კრემი და 2 საათით სიცივეში გააჩერეთ.
მე-13 მოქმედება: ტორტი ისე მორთეთ, როგორც სურათზეა ნაჩვენები და გემრიელად მიირთვით.
შენიშვნა: ტორტის მორთვა ფიჭის ნატეხებითაც შეგიძლიათ. ყველაფერი თქვენს ფანტაზიასა და მონდომებაზეა დამოკიდებული.
