ჩინური კერძის რეცეპტს რესტორან „შატროს“ ევროპული სამზარეულოს გამოცდილი კულინარი ალექსანდრე კოშკელოვი გვიზიარებს.
საჭირო ინგრედიენტები:
ქათმის ფილე - 150 გრ;
გრძელი ბრინჯი - 200 გრ;
კვერცხი - 1 ცალი;
ბარდა - 20 გრ;
სიმინდის მარინადი - 20-30 გრ;
სატაცური - 30 გ;
სტაფილო - 20 გრ;
შაქარი - 1 მწიკვი;
სოიოს სოუსი - 1 ს/კ;
ტობასკო ან ნებისმიერი ცხარე აჯიკა - გემოვნებით;
მარილი - გემოვნებით.
მომზადების წესი:
ბრინჯი გარეცხეთ და მოხარშეთ.
უმი ფილე გარეცხეთ და დაჭერით კუბიკებად.
მოზრდილ ტაფაზე მოასხით ზეთი და ფილეს ნაჭრები მოთუშეთ.
შემდეგ, მოაყარეთ წვრილად დაჭრილი სტაფილო.
კარგად მოთუშულ ფილეს და სტაფილოს დაამატეთ მოხარშული ბრინჯი, მოასხით სოიოს სოუსი და კარგად მოურიეთ.
რამდენიმე წუთში დაამატეთ ბარდა, სიმინდი და სატაცური.
დაამატეთ, ასევე, შაქარი, დაახალეთ კვერცხი და სწრაფად მოურიეთ.
სულ ბოლოს დაამატეთ რამდენიმე წვეთი ტობასკო ან ცხარე აჯიკა გემოვნებით. კვლავ მოურიეთ, გადმოიღეთ თეფშზე და გემრიელად მიირთვით!
შენიშვნა:
თუკი სატაცური უმია, უმჯობესია, წინასწარ მოწალოთ ან ქათმის ფილესთან ერთად მოთუშოთ.
სატაცურის ნაცვლად, შეგიძლიათ, ჩინური მწვანე ლობიო გამოიყენოთ. მისი შეძენა დიდ სუპერმარკეტებში, გაყინულ მდგომარეობაში შეგიძლიათ. გაყინულ ჩინურ მწვანე ლობიოს წინასწარ მოწალვა ან მოხარშვა არ სჭირდება.