შემადგენლობა:
კვერცხი - 4 ცალი
შაქარი - 2 ჭიქა
მაწონი - 1,5 ჭ.
კარაქი - 150 გრ.
ფქვილი - 3,5 ჭ.
სოდა-ძმრით - 1 ჩ/კ.
ვანილი, მარილი - დანის წვერით.
კაკაო - 2 ს/კ.
პირველი მოქმედება:
კვერცხი და შაქარი მიქსერით კარგად ათქვიფეთ.
მოცულობაში რომ მოიმატებს და კარგად აფუმფულდება, გამდნარი კარაქი და მაწონი დაუმატეთ და 2-3 წუთი კიდევ თქვიფეთ.
პატარა ჭიქაში სოდა და ძმარი აურიეთ და ცომს დაუმატეთ.
ბოლოს ვანილი, მარილი და ფქვილი ჩაყარეთ და სქელი, არაჟნის კონსისტენციის ცომი მოზილეთ.
მეორე მოქმედება:
ცომი ორ ნაწილად გაყავით და ერთ ნაწილს კაკაო შეურიეთ.
მესამე მოქმედება:
მრგვალი ფორმის ყალიბს კარაქწასმული კულინარიული ქაღალდი ჩაუფინეთ და მორიგეობით, კოვზით დაიწყეთ თეთრი და შავი ცომის ცენტრში დასხმა.
პროცესის ბოლოს ხის ჩხირით მოხაზეთ, როგორც სურათზეა ნაჩვენები და გაზქურაში, ზომიერ ცეცხლზე გამოაცხვეთ.
გემრიელად მიირთვით!