შავი ზღვის სანაპიროს მარგალიტი, ქალაქი ბათუმი, გამოირჩევა თავისი განუმეორებელი სილამაზით, სტუმართმოყვარეობით და მდიდარი ტრადიციებით.
ბათუმი სწორედ ის ადგილია, სადაც ზაფხულის მზის ენერგიით დამუხტულ დამსვენებელს, კლასიკური მუსიკის განუმეორებელი ჰანგები დაუვიწყარ წუთებს აჩუქებს.
ფესტივალში მონაწილეობას მიიღებენ გამოჩენილი არტისტები სხვადასხვა ქვეყნებიდან. ბათუმის სინფონიურ ორკესტრთან ერთად შესრუდება მსოფლიო და ქართული კლასიკური მუსიკის შედევრები.
ფესტივალის ფარგლებში დაგეგმილია მასტერკლასების ჩატარება ახალგაზრდა მუსიკოსებისათვის, რომლებიც დაჯილდოვდებიან სპეციალური დიპლომებით და მიწვეულები იქნებიან საზღვარგარეთ მასტერკლასებში და ფესტივალებში მონაწილეობის მისაღებად.
ფესტივალი იმართება საქართველოს კულტურისა და ძეგლთა დაცვის სამინისტროს და აჭარის მთავრობის მხარდაჭერით.
2015 წლის ივნისში, ფესტივალს მიენიჭა საერთაშორისო სტატუსი და პირველად საქარველოს მუსიკალური ფესტივალების ისტორიაში, შეუერთდა ევროპული ფესტივალების ასოციაციას
EFA (www.efa-aef.eu).