ლადო დათუნაშვილი, Big Show-ს ხელმძღვანელი:
- ჩვენი ჯგუფი სამი წლის წინათ შეიქმნა. თავიდან ორი წევრისგან შედგებოდა. ამ შემადგენლობით კი, რითიც „ნიჭიერში“ გამოვედით, დაახლოებით 6 თვეა, ვცეკვავთ. ჯგუფის წევრები სხვადასხვა ასაკის ვართ - ყველაზე დიდი მონაწილე 35 წლისაა, ყველაზე პატარა - 8 წლის.
- პროექტში მონაწილეობა რატომ გადაწყვიტეთ?
- დაგვირეკეს, შემოგვთავაზეს და დავთანხმდით. ჩვენთვის ფინალში გადასვლა მოულოდნელი იყო და ძალიან გაგვიხარდა, როცა ჟიურიმ არჩევანი Big Show-ზე შეაჩერა.
- ფინალში რას ჰპირდებით მაყურებელს?
- გვინდა, განსაკუთრებული ნომერი შევთავაზოთ და ამისთვის დროსა და ენერგიას არ ვიშურებთ. რეპეტიციებს გავდივართ. დღეს უკვე ფინალია და ვნახოთ, რა იქნება. ისე, რომ არ მოგატყუოთ, გამარჯვების იმედი არ გვაქვს, რადგან საქართველოში მსგავს პროექტებში, როგორც წესი, ჯგუფებს ნაკლები შანსი აქვთ ხოლმე, თუმცა ჩვენ მაინც საბრძოლო განწყობით ვართ.