დაჩი და ლიზი - „ნიჭიერის“ ყველაზე პატარა ფინალისტები

ნიჭიერი

31 დეკემბერი 12:00, 2015 წელი
66

ლიზი ჭეჟია და დაჩი გელაშვილი სამეჯლისო ცეკვებზე ერთად დადიან. უკვე სამი წელია, პარტნიორები არიან. პროექტში მათი გამოსვლა  ქორეოგრაფის  იდეა იყო.


„ეს ბავშვები თავისი ასაკობრივი კატეგორიისგან რადიკალურად განსხვავდებიან საკუთარი ნიჭიერებით. თუ გვინდა, რომ ფინალში ვუნდერკინდები გვყავდეს, მათ უნდა დავურეკოთ“, - ასე შეაფასა მათი გამოსვლა ნიკა გვარამიამ. 


ლიზი და დაჩი:
- ჩვენ უკვე გვჯერა თოვლის ბაბუის არსებობის. მართალია, დაჩის აქამდე არ სჯეროდა, მაგრამ მე ყოველთვის ვუმტკიცებდი, რომ ასე არ იყო.


- ლიზი, რამდენი წლის ხარ?
- 7-ის. სკოლაში მეორე კლასში ვარ.


- „ნიჭიერში“ გამოსვლა ვინ გირჩია?
- ჩვენმა მასწავლებელმა გვითხრა, „ნიჭიერში“ უნდა გამოხვიდეთო. ძალიან გაგვიხარდა. თან ჩვენ ყველაზე პატარა მონაწილეები ვართ.


- სცენაზე თოვლის ბაბუს სთხოვეთ, რომ ფინალში გადაეყვანეთ. გჯერათ მისი არსებობის?
- მე მჯერა. ჩემი თოვლის ბაბუა მოდის და მირეკავს კიდეც. ხანდახან მეუბნება, მოდი, ერთად ვიცეკვოთო. ცოტა ხნის წინ კანფეტები და ტელეფონი მაჩუქა. დაჩის კი არ სჯერა.


დაჩი:
- ახლა მჯერა.



- ფინალში თოვლის ბაბუმ გადაგიყვანათ?
- კი. თოვლის ბაბუმ და ხალხმა. გვინდოდა ფინალში გადასვლა, რომ სხვა ქვეყნების ხალხსაც გავეცანით და ტელევიზორში გამოვსულიყავით. 


ისღა დაგვრჩენია, წარმატება ვუსურვოთ ამ უსაყვარლეს პატარებს.