- 6 წლიდან ვმღერი, მაგრამ პაუზა ბევრჯერ მქონდა. ამჟამად ბარში სიმღერით ვარ დაკავებული. პროექტების მიმართ იმდენად მწყრალად ვარ განწყობილი, „ნიჭიერში“ მონაწილეობა არც მიფიქრია, თუმცა არა იმიტომ, რომ ბარში სიმღერა მიზიდავს, უბრალოდ, იმ სიტუაციას ძალიან შევეჩვიე. „ძია ნოდარის ბენდთან“ ერთად ვმღერი და „ნიჭიერშიც“ მათი რჩევით მოვედი.
- ბენდთან ერთად რატომ არ იმღერე „ნიჭიერში“?
- უნდა მემღერა, მაგრამ სიტუაცია ბოლო წუთს შეიცვალა. ფონოგრამაზე სიმღერას იმდენად მიუჩვეველი ვარ, რომ ცოტა გამიჭირდა კიდეც. სიმართლე გითხრათ, ჟიურისგან და მაყურებლისგან ამხელა ემოციასა და შეფასებებს არ ველოდი. ოქროს ღილაკს ხომ - საერთოდ!
- რას ფიქრობ, „ნიჭიერი“ როგორ შეცვლის შენს ცხოვრებას?
- განწყობა იმდენად ამაღლებული მაქვს, „ნიჭიერმა“ ჩემი ცხოვრება უკვე შეცვალა. ეს ოქროს ღილაკი უკვალოდ არ ჩაივლის!
- მუსიკის გარდა, სხვა რა ინტერესები გაქვთ?
- პროფესიით ქართული ენის ფილოლოგი ვარ, თუმცა ჩემი ძირითადი და საყვარელი საქმიანობა მაინც მუსიკაა. ცოტა ხნის წინ ოჯახი შევქმენი. მეუღლე ვახო ვაშაყმაძე ჩემი დიდი გულშემატკივარია. მუსიკასთან კავშირი არ აქვს, მაგრამ ჩემი წყალობით ნელ-ნელა უახლოვდება.