რეკლამა გაითიშება
3
წამში

ანა გელბახიანი: „ბედნიერი ადამიანი ვარ, „ფარმადეპოში“ რომ მოვხვდი!“

PR კლუბი

25 ივლისი 22:00, 2016 წელი
31

დღევანდელი პიარკლუბის სტუმარია ფარმაცევტული კომპანია „ფარმადეპოს“ პიარისა და ონლაინკომუნიკაციების მენეჯერი ანა გელბახიანი.


- „ფარმადეპოში“ რა გამოცდილებით მოხვედით?

- პირველი სამსახური სადაზღვევო კომპანია „ალდაგში“ დავიწყე, შემდეგ, როდესაც ჯანმრთელობისა და ქონების დაზღვევები გაიყო და ჯანმრთელობის დაზღვევა ბაზარზე „იმედი L“-ის სახელით „გამოვიდა“, სამუშაოდ „იმედი L“-ში გადავედი, პიარისა და მარკეტინგის გუნდში, სადაც ჩემს ძირითად მოვალეობას ონლაინმედიაარხების მართვა წარმოადგენდა.

- რამდენი ხანია, რაც „ფარმადეპოს“ გუნდს შემოუერთდით?
- „ფარმადეპოს“ გუნდს 2015 წლის ნოემბერში შემოვუერთდი და ონლაინმედიაარხების მართვა ამ კომპანიაშიც ჩემი ერთ-ერთი მოვალეობაა, თუმცა პარალელურად საზოგადოებასთან ურთიერთობა და შიდა პიარიც მევალება.

- რთული ხომ არ იყო ერთდროულად ამდენი ფუნქციის შეთავსება?
- გამოგიტყდებით, თავიდან ძალიან გამიჭირდა... მიუხედავად იმისა, რომ ამ კომპანიაში საკმაოდ კარგი გამოცდილებითა და კონკრეტული მიზნებით მოვედი. საქმე ის არის, რომ საცალო ქსელში მუშაობა სრულებით განსხვავდება იმისგან, რაც აქ მოსვლამდე მიკეთებია - სადაზღვევო ბაზარი საერთოდ განსხვავებულია, აქტივობების განხორციელებასაც იქ სრულებით განსხვავებული ტემპით ვგეგმავდით... ყველაზე დიდი სირთულე კი იყო ის, რომ რამდენიმე, სრულიად განსხვავებული მიმართულებით უნდა მემუშავა - საზოგადოებასთან ურთიერთობა, პიარპროექტები, შიდა პიარი, ამას დამატებული ციფრული პროექტების მართვა და სოციალური ქსელები... მოკლედ, სხვა კომპანიებში თუ ამ პოზიციებზე სხვადასხვა სპეციალისტი ჰყავთ, „ფარმადეპოში“ ეს ყველაფერი ჩემს კომპეტენციაშია.

- ამ ყველაფერს როგორ გაუმკლავდით?
- პირველ რიგში, საკუთარ თავს შთავაგონე, რომ არაფრის შიში არ უნდა მქონოდა, შემდეგ კი ყველაფერი ნაბიჯ-ნაბიჯ დავგეგმე - გამოვყავი დრო შიდა პროექტებისა და ონლაინპროექტებისთვის, ხოლო ყველა ის პროექტი, რაც გზადაგზა შემხვდა, ვეცადე, თანმიმდევრულად მეკეთებინა. ბედნიერი ადამიანი ვარ, „ფარმადეპოში“ რომ მოვხვდი, რადგან ასეთ დიდ გამოცდილებას, თანაც ერთდროულად სამ სფეროში, სხვა სამსახურში ვერასოდეს მივიღებდი.

- კომპანიის შესახებ რას გვეტყვით?
- „ფარმადეპო“ ბაზრის ერთ-ერთი წამყვანი მოთამაშე გახლავთ და ერთ-ერთ მოწინავე ადგილს იკავებს წამყვან ფარმაცევტულ კომპანიებს შორის. ჩვენ ფარმაცევტული ბაზრის საკმაოდ დიდ წილს ვფლობთ. ამ ეტაპზე საქართველოს მასშტაბით120 აფთიაქით ვართ წარმოდგენილი . 
რაც ყველაზე მნიშვნელოვანია, „ფარმადეპო“ მაქსიმალურად ზრუნავს მომხმარებელზე - მაღალი ხარისხის მედიკამენტებითა და პარაფარმაციით, გულისხმიერი მომსახურებითა და  სხვადასხვა ტიპის აქციებით... გარდა ამისა, აქ შესანიშნავი გარემო და გუნდია, რომლის წევრებიც ერთმანეთს მაქსიმალურად უდგანენ გვერდში.