მარიამ ბანცური: „დასვენების დროსაც კი ვერ ვეთიშები საქმეს“

PR კლუბი

8 თებერვალი 16:00, 2016 წელი
49

მარიამ ბანცური ავეჯის სახლ „პანცილიონის“ პიარის და მარკეტინგის სამსახურის უფროსია. პროფესიით იურისტმა საკუთარი თავი პიარის სფეროში იპოვა. 

პირველი სამსახური და დიდი გამოცდილება
პროფესიით იურისტი ვარ, გრიგოლ რობაქიძის უნივერსიტეტი დავამთავრე. მეოთხე კურსზე ვიყავი როდესაც „პანცილიონში“ დავიწყე მუშაობა, როგორც ფინანსური დირექტორის ასისტენტმა. პარალელურად ტრეინინგებს გავდიოდი პიარსა და მარკეტინგში. ფინანსური დირექტორის ინიციტივით და ჩვენი ტოპმენეჯმენტის გადაწყვეტილებით, პაირის და მარკეტინგის სამსახურსში გადავედი. ეს ჩემი პირველი სამსახური და პირველი უდიდესი გამოცდილებაა. პიარის სფერო მომწონს  და ვფიქრობ, რომ ძალიან გამიმართლა. აქ იდეალური პირობებია იმისთვის, რომ კარგად იმუშაო.
ჩემი სამუშაო დღე დილის 8 საათზე იწყება. ყოველდღე იმას ვფიქრობთ, რა სიახლე შევთავაზოთ მომხმარებელს. დღის განმავლობაში დაგროვილ იდეებს ოფისში გუნდი ერთად ვფილტრავთ და მომხმარებელს ვთავაზობთ.


ყველაფერი სახლისთვის
სხვადასხვა ქვეყნიდან იმპორტირებული პროდუქცია გვაქვს. ვართ „შნაიდერის“ ოფიციალური წარმომადგენლობა საქართველოში. ჩვენთან არის  გერმანული რბილი ავეჯი, იტალიური, უკრაინული, პოლონური პროდუქცია  და  „პანცილიონის“ ადგილობრივი ქარხნული ნაწარმი. რბილი ავეჯი, საძინებლები, სამზარეულოები - ყველაფერი, რაც თქვენს სახლს ჭირდება. „პანცილიონში“  შეზღუდული არ ხართ დიზაინში, შეგიძლიათ, მოიტანოთ თქვენი იდეა და ნებისმიერი ავეჯის ინდივიდუალური შეკვეთ  გააკეთოთ.


არა - რუტინა, არა - სტრესი
მიმაჩნია, რომ გამიმართლა, ძალიან მიყვარს ჩემი სამსახური. ეს არ არის სტრესული და დამღლელი სამუშაო. პირიქით, სასიამოვნოა. რუტინული არ არის,  ყოველდღე სიახლეებია. 
თავისუფალ დროს  ჩემს ოჯახთან და მეგობრებთან ვატარებ. ვერ ვიტყვი, რომ როცა ვისვენებ მთლიანად ვწყდები სამუშაო პროცესს. დღევანდელი ტექნოლოგიები იძლევა საშულებას, სახლიდანაც გავაკეთო საქმე. აქტიური ადამიანი ვარ და ვერ ვჩერდები.