საუკუნის პროექტის პიარმენეჯერი

PR კლუბი

18 აპრილი 16:00, 2016 წელი

წიგნის მუზეუმი, რომელიც მალე გაიხსნება, პირველი იქნება საქართველოში და ყველაზე დიდი ამიერკავკასიაში. ამ სივრცეში უიშვიათესი წიგნები გამოიფინება. „ჩემთვის ძალიან დიდი პასუხისმგებლობა და პატივია ამ წიგნებთან მუშაობა“, - ამბობს წიგნის მუზეუმის კრეატიული პიარმენეჯერი თეკლა ვეკუა, რომელსაც დღეს გაგაცნობთ.

მზადება წიგნის მუზეუმის გახსნისთვის
თავისუფალი უნივერსიტეტის მართვის სკოლა მაქვს დამთავრებული. წიგნებთან ყოველთვის მჭიდრო კავშირი მქონდა. საქართველოს პარლამენტის ეროვნული ბიბლიოთეკის დირექტორი გიორგი კეკელიძე უნივერსიტეტში ჩემი ლექტორი იყო, ახლა კი ჩემი უფროსია. დღემდე მეგობრული ურთიერთობა გვაქვს. მის ენთუზიაზმს მივყვებით მთელი გუნდი. იდეალური და უპრობლემო ადამიანია. ყველა ახალსა და საინტერესო იდეას მხარს უჭერს და მისი გვერდში დგომის იმედიც ყოველთვის გვაქვს. ეს ძალიან დიდი კომფორტია ჩვენთვის. ამჟამად წიგნის მუზეუმის პიარმენეჯერი ვარ. ეს მუზეუმი ძალიან მალე, 6 თვეში, საქართველოს პარლამენტის ეროვნული ბიბლიოთეკის პირველ კორპუსში გაიხსნება. სარემონტო სამუშაოები უკვე დაწყებულია, ასევე, გაფორმდა მემორანდუმი ეროვნულ ბიბლიოთეკასა და დავით ბეჟუაშვილის განათლების ფონდს შორის.


მასშტაბური პროექტის პიარმენეჯერი
წიგნის მუზეუმი პირველია საქართველოში და ყველაზე დიდი ამიერკავკასიაში. წიგნები, რომლებიც აქ გამოიფინება, წლებია, დახურულ საცავშია ჩაკეტილი და საზოგადოებას მათი ხილვის საშუალება არც ჰქონია. ჩემთვის ძალიან დიდი პასუხისმგებლობა და პატივია ამ წიგნებთან მუშაობა. სასიხარულოა, რომ ბიბლიოთეკის თემა კვლავ აქტუალურია, დამატებულია აუდიობიბლიოთეკები, ხმოვანი წიგნები და ახალგაზრდების ინტერესიც თანდათან მატულობს. მომწონს შეგრძნება იმისა, რომ ქვეყნისთვის მნიშვნელოვან საქმეს ვაკეთებ. გავა წლები და შენ კვლავ იამაყებ, რომ წიგნის მუზეუმის პროექტში მცირედი წვლილი მაინც გაქვს შეტანილი. ერთი სიტყვით, საქვეყნო და საშვილიშვილო საქმეში ვმონაწილეობ.


 


უფრო მეტი, ვიდრე წიგნი
რარიტეტული საცავი, სადაც რარიტეტები ინახება, საკმაოდ პატარაა, მაგრამ, ამავდროულად, იდუმალი. იქ შეგხვდებათ ქართულ-იტალიურ ლექსიკონს - წიგნს, რომელიც პირველად დაიბეჭდა. პირველ ნაბეჭდ „ვეფხისტყაოსანს“, ასევე, მიხაი ზიჩის მიერ დასურათებულ „ვეფხისტყაოსანს“, მინიატურულ და მასშტაბით ყველაზე დიდი წიგნებს, კერძო კოლექციებიდან მოძიებულ უამრავ მასალას... როდესაც უშუალოდ ავტორის ხელში გამოვლილ ან ცნობილი პიროვნების ნაქონ წიგნს ეხები, საოცარი მუხტით ივსები. ეს დეტალები წიგნებს სულ სხვა ხიბლს მატებს და შენც ამ სიძველეებისადმი მოწიწებით ხარ განწყობილი. მათგან საოცარი ენერგია მოდის და ენერგია შენგანაც მიაქვს.


ამაღელვებელი ისტორია
ყველაზე მეტად მოვიხიბლე მინიატურული წიგნით „შინიონის ბიბლია“, რომელიც იშვიათ გამოცემათა განყოფილებაშია დაცული. ის 1759 წელს ჰააგაშია დაბეჭდილი და ბიბლიოგრაფიული იშვიათობაა. მასში გაერთიანებულია ძველი და ახალი აღთქმა. საფრანგეთში წიგნი აკრძალული იყო კათოლიკური ეკლესიის მიერ, ქალბატონები კი აკრძალულ ბიბლიას ადვილად მალავდნენ შინიონის ქვეშ და სახელიც სწორედ აქედან მოდის - „შინიონის ბიბლია“. ამ ისტორიების მოსმენის შემდეგ არ შეხედავთ წიგნს, როგორც ჩვეულებრივად ნაბეჭდ ფურცლებს.
ჩვენი წიგნის მუზეუმის მიზანიც სწორედ ის არის, რომ ასეთი ისტორიები ფართო საზოგადოებას გავაცნოთ. ვფიქრობ, ყველამ უნდა იცოდეს, რა განძის პატრონია ქვეყანა და ამ კონკრეტულ შემთხვევაში - საქართველოს პარლამენტის ეროვნული ბიბლიოთეკა.


წიგნის სიყვარულს ვერსად გაექცევი
შეიძლება, წიგნის სიყვარული ცოტა ბანალურია, მაგრამ ჩემს სამსახურში - უმნიშვნელოვანესი, ამას ვერ გავექცევით. აქ მუშაობისას უნდა შეგეძლოთ ამ სიძველეების შენარჩუნება, თანამედროვეობაში ისე გადმოტანა, რომ ყველასთვის ახლობელი იყოს. ჩემი მოვალეობაა, ორი საუკუნის წინათ დაბეჭდილი წიგნი ვიღაცისთვის ისეთივე ახლობელი გავხადო, როგორც თანამედროვე, დღევანდელობაზე მორგებული. ასევე, უნდა შეგეძლოთ სიახლეებთან ადაპტირება. მუზეუმი არ უნდა იყოს მხოლოდ საგამოფენო სივრცე. პირიქით, ეს უნდა იყოს ისეთივე, როგორც ყველა განვითარებულ ქვეყანაშია - თავისი აუდიოგიდით, კლიმატკონტროლით... ძველისა და ახლის შერწყმა ისე უნდა მოხდეს, რომ არც ერთს ხიბლი არ დაეკარგოს. ვფიქრობ, არსებობენ ადამიანები და მკითხველი ადამიანები, რომლებიც სამყაროს მესამე თვალით უყურებენ. იყავით უფრო ახლოს წიგნებთან, არ აქვს მნიშვნელობა, ნაბეჭდი იქნება, აუდიო თუ ონლაინი.


კერძო ბიზნესი
ამ სამსახურში მუშაობის ფინანსური მოტივაცია ყველაზე ნაკლებია, რაც კი შეიძლება მქონდეს. პარალელურად ჩემი კერძო ბიზნესი მაქვს - ძველი სტილის ამერიკული Barber Shop სალონი მხოლოდ მამაკაცებისთვის. ამ ორ სრულიად განსხვავებულ საქმიანობას ერთმანეთს არაჩვეულებრივად ვუთავსებ. დრო პირადი ცხოვრებისა და მეგობრებისთვისაც მრჩება.

დღის ჰოროსკოპი

21 დეკემბრის ასტროლოგიური პროგნოზი

რას გვირჩევენ ვარსკვლავები 21 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 დეკემბრის ასტროლოგიური პროგნოზი

რას გვირჩევენ ვარსკვლავები 20 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 დეკემბრის ასტროლოგიური პროგნოზი

რას გვირჩევენ ვარსკვლავები 19 დეკემბრისთვის  ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 დეკემბრის ასტროლოგიური პროგნოზი

რას გვირჩევენ ვარსკვლავები 18 დეკემბრისთვის ჯანმრთელობის, ბიზნესის და სიყვარულის მიმართულებით?
NEW

ფსიქოთერაპია სამედიცინო პერსონალისთვის - ის რაც Covid-19-თან ბრძოლისას ნიღაბზე არანაკლებ მნიშვნელოვანია

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს უფინანსებს
დღის ჰოროსკოპი

17 დეკემბრის ასტროლოგიური პროგნოზი

რას გვირჩევენ ვარსკვლავები 17 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

16 დეკემბრის ასტროლოგიური პროგნოზი

რას გვირჩევენ ვარსკვლავები 16 დეკემრითვის ჯანმრთელობის, ბიზნესის და სიყვარულის მიმართულებით?
NEW

მუზეუმების კონკურსი მთელი საქართველოს მასშტაბით

„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
დღის ჰოროსკოპი

15 დეკემბრის ასტროლოგიური პროგნოზი

რას გვირჩევენ ვარსკვლავები 15 დეკემბრისთვის ბიზნესის, ჯანმრთელობისა და სიყვარულის მიმართულებით?!  
NEW

სასარგებლო რჩევები, სანამ გამათბობელს ჩავრთავთ

ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.
დღის ჰოროსკოპი

14 დეკემბრის ასტროლოგიური პროგნოზი

რას გვირჩევენ ვარსკვლავები 14 დეკემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

13 დეკემბრის ასტროლოგიური პროგნოზი

რას გვირჩევენ ვარსკვლავები 13 დეკემბრისთვის ჯანმრთელობის, ბიზნესის და სიყვარულის მიმართულებით?