დღის დედოფალია 22 წლის ელე დალაქიშვილი, წელს დაამთავრა უნივერსიტეტი, ბიზნესადმინისტრირების ფაკულტეტი, მენეჯმენტის განხრით.
სიძე - გიორგი დათიაშვილი 30 წლისაა, პროფესიით არქიტექტორი.
ქორწილამდე ემოციებით დატვირთული 3 წელი გამოიარეს.
გიორგიმ პირველად ელეს ფოტო facebook-ის ერთ-ერთ გვერდზე აღმოაჩინა.
გაირკვა, რომ ბევრი საერთო მეგობარი ჰყავდათ და გოგოსთან დაკავშირებას შეეცადა.
ელე თავიდან უნდობლად ეკიდებოდა გიორგის სასიყვარულო სატელეფონო შეტყობინებებს. ცოტა არ იყოს, აშინებდა კიდეც.
გიორგის ბევრ „წარუმატებელ“ მცდელობას ბოლოს მაინც მოჰყვა შეხვედრა.
ელეს გულის მოგებას გიორგი საოცრად რომანტიკული, ლამაზი სიურპრიზებით ცდილობდა.
რაღაც პერიოდი დაშორება მოუხდათ. გიორგი სამუშაოდ ქუვეითში იყო წასული.
სწორედ ეს მანძილი აღმოჩნდა საჭირო, რათა დაენახათ, როგორ სჭირდებოდათ ერთმანეთი.
ამ სიყვარულის ამბავი გიორგის დაბრუნების შემდეგ თავბრუდამხვევი სისწრაფით განვითარდა.
იყო ლაღი დღეები, ხელის თხოვნა, ულამაზესი ქორწილი და დაუვიწყარი საქორწინო მოგზაურობა.
P.S. თუ გსურთ, თქვენი ქორწილის ფოტოები FunTime-ზე გამოქვეყნდეს, დაგვირეკეთ: 595 01 82 40 ან მოგვწერეთ: Tinatin Gogishvili