დღის დედოფალია 24 წლის ქეთი ჯოხაძე, ფინანსისტი.
სიძე - 24 წლის ნუგო შენგელია, მარკეტოლოგი.
ბიჭმა გოგოს სურათი სოციალურ ქსელში ნახა და დაიწყო საერთო მეგობრის ძებნა, ვისი დახმარებითაც შეხვედრას შეძლებდა.
აღმოჩნდა, რომ ნუგო ქეთის უახლოეს დაქალს იცნობდა...
მათი პირველი შეხვედრაც სწორედ დაქალის დახმარებით ჩინურ რესტორანში შედგა.
ქეთიმ არ იცოდა, იქ თუ ნუგო დახვდებოდა.
პირველად რომ დაინახა ნუგომ, ისეთი შეგრძნება დაეუფლა, თითქოს უკვე დიდხანს იცნობდა. არც გაეცნო, ისე, უბრალოდ, მივიდა და გადაკოცნა.
ამ დღიდან დაიწყო მათი ურთიერთობა.
ბიჭმა თავიდანვე იცოდა, რომ ეს გოგო მისი ცოლი გახდებოდა.
ხელი სიყვარულის დღეზე სთხოვა და თანხმობაც მიიღო.
