დღის დედოფალია 22 წლის ანუკა სილაგაძე, მომავალი ექიმი.
სიძე - 27 წლის ნიკოლოზ კილასონია, ბიზნესის ადმინისტრირებისა და მენეჯმენტის ფაკულტეტი.
ერთმანეთი 2011 წლის 26 დეკემბერს გაიცნეს სოციალური ქსელის მეშვეობით. გაცნობისთანავე ორივეს გაუჩნდა სიმპათია და მალევე შეუყვარდათ ერთმანეთი.
როგორც ყველა წყვილს, გარკვეული სირთულეების გადალახვა მათაც მოუწიათ. რაღაც პერიოდის განმავლობაში დაშორებულებიც იყვნენ, თუმცა მათ ზღაპარსაც ბედნიერი დასასრული აქვს.
ერთმანეთისთვის სიურპრიზების გაკეთება ძალიან უყვართ.
ხელის თხოვნაც მოულოდნელი და ლამაზი სიურპრიზი იყო ანუკასთვის.
ბათუმში ისვენებდა, როდესაც მეგობრებმა წვეულებაზე შეკვეთილში წასვლა სთხოვეს. იქ კი ნიკა ელოდებოდა.
ბიჭმა ზღვის პირას, პლაჟზე, ულამაზესი ჩირაღდნებით განათებულ ადგილას და სასიამოვნო მუსიკის ფონზე სთხოვა გოგოს ხელი და... საოცრად რომანტიკული იყო ყველაფერი.
ქორწილში დრეს კოდი ჰქონდათ - შავ-თეთრი სამოსი.
ინტერიერიც მსგავს ფერებში გააფორმეს.
ბევრი მოულოდნელი სიურპრიზი მოუწყვეს მეგობრებს და მათაც საინტერესო ფლეშმობით გაალამაზეს ანუკასა და ნიკას ცხოვრების მთავარი საღამო.
