დღის დედოფალია 21 წლის ნინი დიასამიძე, სტუდენტი.
სიძე - 28 წლის დავით ჯინჭარაძე, ეკონომისტი
ერთმანეთი, დაახლოებით, ერთი წლის წინათ საერთო მეგობრების მეშვეობით გაიცნეს.
გაცნობის დღე დავითმა სპეციალურად დაგეგმა ახლობლის სახლში. თითქმის ერთი წელი დაუსწრებლად იცნობდა ნინის და ცდილობდა, რაც შეიძლება მეტი გაეგო მის შესახებ.
ნინიმ არაფერი იცოდა.
2 თვე დასჭირდა ბიჭს გოგოს გულის მოსაგებად.
როცა დავითმა თავისი გრძნობები გაუმხილა და უთხრა, რომ ძალიან უყვარდა, ნინის გაუკვირდა, 2 თვეში როგორ შეიძლება ადამიანის შეყვარება, თუმცა დავითმა თავისი სასიამოვნო ყურადღებით მალევე მოახერხა ნინის გულის დაპყრობა.
ვერ წარმოედგინა ნინის, ასეთ ასაკში თუ შექმნიდა ოჯახს. სულ სხვა გეგმები და მიზნები ჰქონდა, თუმცა სიყვარულმა ყველაფერი შეცვალა...
