დღის დედოფალია 19 წლის მარიამ გოქაძე.
სიძე - 20 წლის თაზო ობოლაძე.
ერთმანეთს სკოლიდან იცნობენ. სამეგობრო წრე ერთი ჰყავდათ, თუმცა თავად არასდროს მეგობრობდნენ.
ყველაფერი 2015 წლის 21 ნოემბერს დაიწყო, საერთო ნაცნობის ქორწილში. იქ ერთად იცეკვეს, ილაპარაკეს. მეორე დღეს თაზოს დაბადების დღე იყო და მარიამმაც მიულოცა.
თანდათან დაახლოვდნენ, უფრო ხშირად წერდნენ ერთმანეთს, დამეგობრდნენ.
ნაცნობის ქორწილიდან რამდენიმე კვირაში პირველი „პაემანი“ ჰქონდათ. ბევრი ისეირნეს და იმ შეხვედრას კიდევ უფრო ხშირი შეხვედრები მოჰყვა.
ცოტა ხნის შემდეგ, თავის გრძნობებში სრულიად დარწმუნებულმა ბიჭმა პირველი ნაბიჯი გადადგა და გოგოს სიყვარული გაუმხილა.
მას შემდეგ ერთად არიან და სითბოსა და ბედნიერებას ერთმანეთს ყოველწამს უზიარებენ.