დღის დედოფალია 26 წლის სოფა ყანჩაველი, საზოგადოებასთან ურთიერთობის მენეჯერი.
სიძე - 28 წლის გაგა სტურუა, ბიზნესმენი.
ერთმანეთი შემთხვევით გაიცნეს, საერთო მეგობრების წრეში.
თავიდანვე მოეწონათ ერთმანეთი და მალევე შეყვარებულების ამპლუაში აღმოჩნდნენ.
11 წელი იყვნენ ერთად და თავიანთი ლამაზი სიყვარულით გარშემო ყველას დადებითი ემოციებით მუხტავდნენ.
დაოჯახება სიყვარულის მეთორმეტე წელს სრულიად მოულოდნელად გადაწყვიტეს.
მეგობრები და ახლობლები დღემდე ვერ იჯერებენ, რომ საბოლოოდ გადადგეს ეს ნაბიჯი და სოფასა და გაგას ამ გადაწყვეტილებას ყოველ ჯერზე ისევ აპლოდისმენტებით ხვდებიან.
ქორწილს 3 თვის განმავლობაში სრულიად დამოუკიდებლად გეგმავდნენ, მშობლები არაფერში ჩაურევიათ. ცხოვრების ყველაზე ბედნიერი დღე კი ზუსტად ისეთი გამოუვიდათ, როგორსაც გეგმავდნენ.