დღის დედოფალია 23 წლის ნანიკო ხარატიშვილი.
სიძე - 23 წლის გურკა გახარია. ორივე სამედიცინო უნივერსიტეტის მეექვსე კურსის სტუდენტია.
ერთმანეთი პირველ კურსზე გაიცნეს. თავიდან ნანიკო სხვა ჯგუფში მოხვდა, თუმცა მეგობრის თხოვნით ჯგუფი შეიცვალა და ბედად ზუსტად იქ გადავიდა, სადაც გურკა სწავლობდა.
3 წელი გურკას ისე უყვარდა ნანიკო, მისთვის არაფერი გაუმხელია. მათი ურთიერთობა მხოლოდ მეგობრობით შემოიფარგლებოდა, თუმცა ერთ დღესაც ბიჭი მიხვდა, რომ გრძნობების დამალვა აღარ შეეძლო და სიყვარულში გამოუტყდა გოგოს.
ხშირად ანებივრებდა რომანტიკული გურკა ნანიკოს სიურპრიზებით.
სიყვარულის გამხელიდან ზუსტად 2 წლის შემდეგ მთაწმინდაზე ავიდნენ. უცებ ჰაერში ვალსის მელოდია გაისმა. გურკამ ნანიკოს ცეკვა სთხოვა. ცეკვის დროს კი მოულოდნელად დაუჩოქა და ბეჭედი გაუწოდა.
