დღის დედოფალია 24 წლის მარიამ ქუთათელაძე, პროფესიით სოციოლოგი.
სიძე - სანდრო ხვედელიანი, ისიც 24 წლის, იურისტი.
ერთმანეთი ზღვაზე მეგობრებთან ერთად დასასვენებლად ყოფნისას გაიცნეს და მას შემდეგ 6 წელია, ერთად არიან.
მარიამი ამბობს, რომ სანდრო ძალიან რომანტიკულია და ერთად გატარებული წლების განმავლობაში სიურპრიზებით ხშირად ანებივრებდა. მარიამს ძალიან უყვარს ძაღლები. მისი რამდენიმე ოთხფეხა მეგობრიდან 2 სწორედ სანდროს ნაჩუქარია.
დაოჯახება 1 წლის წინ გადაწყვიტეს. ხელი რომ სთხოვა, მაშინ მარიამი სანდროზე გაბრაზებული იყო, მაგრამ შერიგება ამ სასიამოვნო ამბით დაგვირგვინდა.
ქორწილის დღეს გვერდით ახლობელი და საყვარელი ადამიანები ჰყავდათ, ეს ულამაზესი დღესასწაული კი არა მარტო ნეფე-დედოფლისთვის, არამედ თითოეული სტუმრისთვის დაუვიწყარ მოგონებად იქცა და ცხოვრების ბოლომდე ლამაზად ემახსოვრებათ.
