დღის დედოფალია 26 წლის გვანცა გაბუნია, ეკონომისტი.
სიძე - 25 წლის გიორგი სექანია, ექიმი.
მათი გაცნობაც გიორგის პროფესიას უკავშირდება.
დაახლოებით, სამი წლის წინათ, გვანცამ, მეგობრებთან ერთად, ტობავარჩხილის ტბაზე ასვლა გადაწყვიტა. ლაშქრობებში ხშირად დადიოდნენ, უყვარდათ ახალი ადგილების აღმოჩენა. ტობავარჩხილის ტბაზე წასვლაც სპონტანურად დაიგეგმა და რამდენიმე მეგობარი თავგადასავლებისთვის საძიებლად გაეშურა.
სამწუხაროდ, წინ უსიამოვნება ელოდათ. ჩხოროწყუში გვანცას მანქანა ერთ-ერთ მოსახვევში ამობრუნდა და გვანცამ ქალა-ტვინის უმძიმესი ტრამვა მიიღო. ზუგდიდის საავადმყოფოში გადაიყვანეს, სადაც გიორგის მამამ, ნეიროქირურგმა სლავა სექანიამ ოპერაცია გაუკთა.
გიორგი მაშინ სტუდენტი იყო და ზაფხულობით პრაქტიკებს მამასთან გადიოდა. გვანცას ოპერაციაზეც მამას ასისტენტობას უწევდა.
ერთი თვე გადიოდა გვანცა რეაბილიტაციის პერიოდს. გიორგი სულ მასთან იყო და... მას შემდეგ სულ ერთად არიან.