მწარე წიწაკა ამაგრებს იმუნიტეტს, ეხმარება ანგინისგან განკურნებაში, აწესრიგებს სისხლის მიმოქცევას, აუმჯობესებს ბრონქული ასთმით დაავადებული ადამიანის მდგომარეობას და ა.შ.
მწარე წიწაკის შემადგენლობაში შემავალი ერთ-ერთი ალკალოიდი ადამიანის ორგანიზმს მძიმე საკვების მონელებაში ეხმარება, ანეიტრალებს ცხიმებს და მავნე ნივთიერებებს, ორჯერ ამცირებს კერძის კალორიულობას და ხელს უშლის ჭარბი წონის გაჩენას.
მწარე წიწაკა თავისი უნიკალური თვისებებით ხელს უშლის სისხლძარღვებში თრომბის წარმოქმნას. აქტიურად მონაწილეობს ნივთიერებათა ცვლის პროცესში და სისხლს სასარგებლო ნივთიერებებით ამარაგებს.
მწარე წიწაკა ხელს უშლის ჭარბი წონის წარმოქმნას, რადგან ააქტიურებს სისხლის მიმოქცევას და ნივთიერებათა ცვლას. ამის შედეგად, ორგანიზმში სწრაფად მიმდინარეობს ცხიმოვანი უჯრედების დაშლის პროცესი. გარდა ამისა, წიწაკას მსხვილი ნაწლავიდან ტოქსინები და სხვადასხვა მავნე ნივთიერებები გამოჰყავს.
მწარე წიწაკა ძალიან დაბალკალორიული ბოსტნეულია და ნახშირწყლებს თითქმის არ შეიცავს. თავისი უნიკალური თვისებების წყალობით, ამ ბოსტნეულის გასახდომად გამოყენებაც შეიძლება.
ამისთვის, საჭიროა ერთი წილი ძალიან წვრილად დაჭრილი მწარე წიწაკა და მეხუთედი წილი არაყი ან 90%-იანი სპირტი. თუ წიწაკის ნაყენის დასამზადებლად სპირტს იყენებთ, ნაყენი შვიდი დღე უნდა გააჩეროთ. არყის შემთხვევაში კი, სულ მცირე, სამი კვირა მაინც. ნაყენი დღეში სამჯერ, ჭამამდე ნახევარი საათით ადრე უნდა მიიღოთ.
წითელი წიწაკა ხელს უწყობს სისხლის წარმოქმნას და შესანიშნავი შარდმდენი საშუალებაა.
მწარე წიწაკის დახმარებით, უამრავმა ქალმა შეძლო, გინეკოლოგიური სახის პრობლემების მოგვარება. ცნობილია, რომ არარეგულარული მენსტრუალური ციკლი ემოციური გადაღლის, ძილისა და დასვენების უკმარისობის, არასწორი კვებისა და უმოძრაობის შედეგია.
ასეთ დროს, წითელი წიწაკა საკვერცხეებს ნორმალური მუშაობის აღდგენაში ეხმარება. წიწაკის თუნდაც ერთკვირიანი მოხმარების შემდეგ, საჭმლის მომნელებელი სისტემისა და საკვერცხეების მუშაობაში შესამჩნევი გაუმჯობესება იგრძნობა. წიწაკაში შემავალი ნივთიერებები მენსტრუალური ციკლის მოწესრიგებას ეხმარება, თუმცა ისიც უნდა გვახსოვდეს, რომ ციკლის მიმდინარეობის დროს, მწარე წიწაკის მიღებისგან თავის შეკავება სჯობს.
მწარე წიწაკა მამაკაცებისთვისაც უებარი დამხმარეა - ის აღადგენს პოტენციას და სექსუალური უძლურების დაძლევაში ეხმარება. დიასახლისებო, ხშირად მოუმზადეთ საყვარელ მამაკაცებს მწარე წიწაკით შეზავებული კერძები, თუმცა, ეცადეთ, ზედმეტი არ მოგივიდეთ.
მწარე წიწაკა თმასა და ფრჩხილებს ზრდაში ეხმარება და ამაგრებს. თუ წიწაკის მოყვარული ბრძანდებით, მტვრევადი თმისა და ფრჩხილების პრობლემა არასოდეს შეგაწუხებთ.
მწარე წიწაკა ტვინს მუშაობაში ეხმარება, ამიტომ კარგი იქნება, თუ წიწაკას იმ ბავშვების რაციონშიც შეიტანთ, რომლებსაც გაკვეთილების ათვისება უჭირთ.
მწარე წიწაკა C ვიტამინის შემცველობის მხრივ რეკორდსმენია. ამის გარდა, ის შეიცავს სასიცოცხლოდ აუცილებელ მიკროელემენტებს, რკინას, ცინკს, მაგნიუმს კალციუმს, კალიუმსა და ფოსფორს, ამიტომ სპეციალისტები გვირჩევენ, მწარე წიწაკა ყოველდღიურ რაციონში ჩავრთოთ.
აუცილებელია, ისიც აღვნიშნოთ, რომ ადამიანები, რომლებსაც მომატებული მჟავიანობა, გასტრიტი, დიაბეტი, ღვიძლის, ნაწლავებისა და წყლულოვანი დაავადებები აწუხებთ, მწარე წიწაკით შეზავებულ კერძებს უნდა მოერიდონ, რადგან მწარე წიწაკა კუჭის ლორწოვანი გარსის გაღიზიანებასა და დაავადების გამწვავებას გამოიწვევს.