ფერადი ჟელეს ტორტი

რჩევები დიასახლისებს

27 თებერვალი 12:00
526

ამ ფერადი დესერტის მომზადება მარტივიც არის და იაფიც, გემო კი, მართლაც რომ, პიკანტური აქვს...

საჭირო ინგრედიენტები:
ალუბლის ან მარწყვის წითელი ჟელე - 3 შეკვრა
კივის ან ლიმონის მწვანე ჟელე - 2 შეკვრა
შესქელებული რძე - 2 ქილა
ჟელატინი - 90 გრ. 

მომზადების წესი:

წითელი და მწვანე ჟელეები ცალ-ცალკე ჯამებში გადაანაწილეთ და შეფუთვაზე მითითებული ინსტრუქციის მიხედვით წყალში გახსენით.

შესქელებული რძე ათქვიფეთ.

ჟელატინი მოათავსეთ ჯამში, დაასხით მდუღარე წყალი და ურიეთ, სანამ კრისტალები მთლიანად არ გადნება.

ჟელატინი და შესქელებული რძე ერთმანეთში აურიეთ.

მშრალ ფორმაში კულინარიული პარკი ისე ჩააფინეთ, რომ შეძლოთ პარკის კიდეებზე ხელის მოკიდება და მისი დახმარებით ჟელეს ამოღება ტორტის ფორმიდან.

პირველად ფორმაში წითელი ჟელეს ნაწილი ჩაასხით და 15 წუთით მაცივარში შედგით.
იგივე გაიმეორეთ რძიან ჟელესა და მწვანე ჟელესთან ერთად.
თოთოეული ფენის დამატების შემდეგ, ფორმა მაცივარში 15 წუთი უნდა გააჩეროთ.
ბოლო ფენის დამატების შემდეგ, ჟელეს ტორტი მაცივარში 2 საათით დატოვეთ. შემდეგ ფორმიდან გადმოიღეთ და სასურველ ფორმებად დაჭერით.

გემრიელად მიირთვით!