სააღდგომო პასკის სწორად გამოცხობის წესები!

რჩევები დიასახლისებს

10 აპრილი 12:00
857

პასკის ცხობის დროს აუცილებელია რამდენიმე მთავარი წესის დაცვა, თუ გსურთ, რომ თქვენი ნახელავი ყველაზე ლამაზი და გემრიელი იყოს...


1. პასკის ცომი არც ზედმეტად თხელი უნდა იყოს და არც ძალიან მკვრივი. გახსოვდეთ, რომ იდეალური ცომი გაჭრის დროს დანას არ ეწებება. ამ მიზნის მისაღწევად, ცომი დიდხანს და ენერგიულად უნდა ზილოთ, სანამ ხელებსა და ცომის ჭურჭელს მოსცილდება.


2. სანამ პასკის ცხობას დაიწყებთ, ცომი, სულ მცირე, სამჯერ უნდა ამოვიდეს: პირველად, საფუარის შერევის შემდეგ, მეორედ ჩაზელვის შემდეგ და მესამედ, ფორმებში გადატანის შემდეგ.


3. გაითვალისწინეთ, რომ პასკის ცომს ორპირი ქარი არ უყვარს. ცომიანი ჭურჭელი კარგად შეფუთეთ და ისეთ ადგილზე მოათავსეთ, სადაც ტემპერატურა 30-40 გრადუსია. ოთახში, სადაც პასკა ცხვება, 25 გრადუსზე ნაკლები ტემპერატურა არ უნდა იყოს.


4. ცომში შერევამდე, ცუკატები და ქიშმიში წინასწარ დაალბეთ, საწურზე გაწურეთ და ცომში მოთავსების წინ, ფქვილში ამოავლეთ.


5. ცომის ჩადებამდე, პასკის ფორმის ძირში საცხობი ქაღალდი ჩააფინეთ და სილიკონის ფუნჯით, ფორმას მთლიანად ზეთი წაუსვით.



6. ღუმელი წინასწარ უნდა გააცხელოთ, რომ ცხობის დროს, თანაბარი ტემპერატურა იყოს შენარჩუნებული, რაც პასკის ხარისხისთვის ძალიან მნიშვნელოვანია.




7. იმის გასარკვევად, გამოცხვა თუ არა პასკა, ხის ჩხირი

პასკის შუაგულში ჩაარჭვეთ. თუ სისველე არ ამოჰყვა, პასკა
მზადაა.




8. პასკის პრეტენზიულ ცომს არ უყვარს, როცა ცხობის დროს „აწუხებენ“, ამიტომ თუ აუცილებელი არაა, ღუმელის კარს ნუ გამოაღებთ. გაითვალისწინეთ, რომ ტემპერატურის მკვეთრი ცვლილების გამო შეიძლება, პასკა ჩავარდეს.


10. თუ შენიშნეთ, რომ პასკის თავი ძალიან დაიბრაწა, ფორმას თავზე დასველებული ქაღალდი დააფარეთ. სასურველია, პასკა, დაახლოებით, 160-180 გრადუსზე  აცხოთ.


11. პასკის ცხობის ხანგრძლივობა მის ზომაზეა დამოკიდებული. 1 კგ-ზე ნაკლები ზომის პასკას ნახ. საათი სჭირდება, 1 კგ - 45 წუთი, 1,5 კგ - 1 სთ., 2 კგ - 1,5 სთ.


გამომცხვარი და გაგრილებული პასკა შეგიძლიათ გააფორმოთ მინანქრით, შაქრის პუდრით და ა.შ.


როგორ მოვამზადოთ თეთრი მინანქარი?
4 კვერცხის ცილა მყარი კონსისტენციის ღრუბლის მიღებამდე თქვიფეთ. ნელ-ნელა დაამატეთ 1 ჭიქა შაქრის პუდრა და დანის წვერით ლიმონმჟავა. კარგად ათქვიფეთ და
მზა პასკას თავზე ლამაზად გადაუსვით.