კინეტიკური ქვიშა სრულიად ეკოლოგიურია და რაც მთავარია, მისი მოგროვება ადვილია. ის არ იფანტება სახლში და არ რჩება ხელებზე.
კინეტიკური ქვიშის სასარგებლო თვისებები:
1. კინეტიკური ქვიშა ავითარებს მოტორიკას და მგრძნობელობას, რაც მხოლოდ ბავშვებისთვის კი არა, ხანდაზმული ადამიანებისთვისაც სასარგებლოა.
2. ავითარებს ფანტაზიას და შემოქმედებით უნარებს.
3. აუმჯობესებს ემოციურ მდგომარეობას და ეხმარება ყურადღების კონცენტრაციაში.
4. ხსნის სტრესს, დაღლილობისა და აგრესიის გრძნობას.
მაშ ასე, ჩვენ გაგიზიარებთ მარტივ რეცეპტს, რომლის დახმარებითაც შეძლებთ „ჭკვიანი ქვიშის“ საკუთარი ხელით მომზადებას.
ინგრედიენტები:
4 ს/კ. ბორის სპირტი (იყიდება აფთიაქში)
2 ს/კ. სილიკონის წებო
1 ჩ/კ. საკონდიტრო საღებავი
100 გრ. შინშილას ქვიშა
მომზადების წესი:
1. მომცრო ზომის ჯამში ჩაასხით ბორის მჟავა. დაუმატთ წებო, საჭირო ფერის საღებავი და კარგად აურიეთ.
2. მიღებულ მასას დაუმატეთ შინშილას ქვიშა. რატომ ჩვეულებრივი არა? იმიტომ, რომ შინშილას ქვიშა შემოწმებულია და ეკოლოგიურად სუფთაა.
3. ყველაფერი კარგად აურიეთ და დატკბით კინეტიკური ქვიშის საოცარი თვისებებით.