აჯიკა-საწებელი - კიდევ ერთი გემრიელი და მარტივად მოსამზადებელი რეცეპტი

აჯიკის მოსამზადებლად დაგჭირდებათ:

• წითელი ბულგარული წიწაკა - 5 კგ.
• წითელი მწარე წიწაკა - 300 გრ.
• ქინძი - დიდი კონა,
• ნიორი - 300 გრ.
• ძმარი - 1/2 ლ.
• ტომატპასტა - 800 გრ.
• მარილი - გემოვნებით

მომზადების წესი:

წითელი ბულგარული და წითელი მწარე წიწაკა კარგად გარეცხეთ და გააშრეთ. ამის შემდეგ გაჭერით სათითაოდ, ამოაცალეთ თესლი და ხორცსაკეპ მანქანაში გაატარეთ;

გადაარჩიეთ ქინძი, კარგად გარეცხეთ, გააშრეთ და, ნიორთან ერთად, ხორცსაკეპ მანქანაში გაატარეთ.

მოზრდილ ქვაბში მოათავსეთ გატარებული ბულგარული და მწარე წიწაკა, ქინძი, ნიორი, ტომატპასტა, ძმარი, მარილი და კარგად აურიეთ. ქვაბი დაადგით დაბალ ცეცხლზე და კარგად წამოადუღეთ;

ნახევარლიტრიანი ქილები გაასტერილეთ, ცხელი აჯიკა ჩაასხით და მოხუფეთ;

აჯიკა გრილ და მშრალ ადგილზე შეინახეთ.

გემრიელად მიირთვით!