ასორტის მოსამზადებლად დაგჭირდებათ:
კიტრი - 1 კგ.
პომიდორი - 1 კგ.
სტაფილო - 400 გრ.
ყაბაყი - 1 კგ.
ყვავილოვანი კომბოსტო - 500 გრ.
ხახვი - 100 გრ.
ნიორი - 50 გრ.
დიდი კონა კამა, ალუბლისა და მოცხარის ფოთლები.
მარინადი:
წყალი - 3 ლ.
შაქარი - 3 ს/კ.
მარილი - 3 ს/კ.
ძმრის ესენცია - 3 ს/კ.
მომზადების წესი:
ბოსტნეული კარგად გარეცხეთ და ფრთხილად ამოჭერით დანით ლამაზი ელემენტები - სტაფილოსა და კიტრისგან შეგიძლიათ მშვენიერი „ფოთლები“ გააკეთოთ, ხახვისა და ყაბაყისგან კი „ყვავილები“. თუ შემოქმედებითი საქმიანობა თქვენი სტიქია არ არის, შეგიძლიათ, ბოსტნეული პირდაპირ ქილებში ჩაუშვათ. ამით მწნილის გემო ოდნავაც არ შეიცვლება.
3-ლიტრიან ქილას ძირში ჩაუფინეთ მწვანილი და ფოთლები, ჩაყარეთ ნიორი და მჭიდროდ მოათავსეთ გამზადებული ბოსტნეული.
წყალი აადუღეთ, დაუმატეთ მარილი, შაქარი, ძმრის ესენცია და ბოსტნეულს დაასხით. ქილებს თავზე გასტერილებული თუნუქის ხუფები დაახურეთ, ნახევარი საათით გაასტერილეთ და მოხუფეთ. ქილები ამოაბრუნეთ, სქელი პლედი დააფარეთ და ასე დატოვეთ, სანამ მთლიანად გაცივდება.
გემრიელად მიირთვით!