1. ყველა დიასახლისმა იცის, როგორი შრომატევადია ტაფაზე მიმწვარი ცხიმის ნარჩენების მოცილება, მაგრამ ბევრს წარმოდგენა არა აქვს, რომ სველი ხელსახოცი ამ საქმეში შეუცვლელი დამხმარეა. ჩადეთ სველი ხელსახოცი ჭუჭყიან ტაფაში ან ქვაბში, დაასხით წყალი და მთელი ღამით დატოვეთ. დილას ჭურჭლის ცხიმის ნარჩენებისგან გასუფთავებას განსაკუთრებული ძალისხმევის გარეშე მოახერხებთ.
2.სველი ხელსახოცი ეფექტურად ებრძვის ფეხსაცმლის უსიამოვნო სუნს. გამოიყენეთ სველი ხელსახოცი, როგორც ფეხსაცმლის დამატებითი საფენი და ამ პრობლემებს სამუდამოდ დაემშვიდობებით.
3. აბაზანისა და სამზარეულოს ქრომირებული ზედაპირის მქონე ონკანები მუდამ გაკრიალებული გექნებათ, თუ ჩვეულებრივი წმენდის შემდეგ სველი ხელსახოცით გაწმენდთ.
4. დეზოდორისგან დატოვებული თეთრი ლაქა ისეთი პრობლემაა, რომლის გამოც ბევრი ჩვენგანი ტანსაცმელს ვაგდებთ. ალბათ, ვერასოდეს წარმოიდგენდით, რომ ამ პრობლემასთან გამკლავება სველ ხელსახოცს შეუძლია. კარგად წაუსვით ხელსახოცი დალაქავებულ ადგილს და შედეგით გაოცებული დარჩებით.
5 ყველა დიასახლისისთვის ცნობილია, რომ ლითონის ჟალუზების წმენდა შრომატევადი და მომქანცველი საქმეა. ამ შემთხვევაშიც სველი ხელსახოცი დაგეხმარებათ. თხელი და ელასტიკური ხელსახოცი ადვილად აღწევს ჟალუზის დეტალებს შორის და წმენდას აადვილებს.
6. ზამთრის სეზონზე გრძელი თმის პატრონებს გამუდმებით აწუხებთ თმების „დამუხტვის“ პრობლემა. თუ თმას ისე დაივარცხნით, როგორც სურათზეა ნაჩვენები, თმების „დამუხტვის“ პრობლემა აღარ შეგაწუხებთ.
7. სველი ხელსახოცის დახმარებით შესაძლებელია უთოს ზედაპირის გაწმენდა. ბამბის ქსოვილს დააფარეთ ხელსახოცი და დაბალ ტემპერატურაზე გააუთოვეთ. უთოს ზედაპირი გაკრიალდება.
8. ალბათ, ყველას აწუხებს შხაპის მიღების შემდეგ აბაზანაში დაორთქლილი სარკე. ამის თავიდან აცილება მარტივად არის შესაძლებელი. აიღეთ ჩვეულებრივი საპონი და მშრალ სარკეზე წაუსვით - ისე, რომ მთელი ზედაპირი დაიფაროს. ამის მერე ჯერ სველი, შემდეგ კი მშრალი ხელსახოცით კარგად გაწმინდეთ და დაორთქლილი სარკის პრობლემას სამუდამოდ დაივიწყებთ.
9. სველი ხელსახოცი კარგად აცილებს ავეჯზე დარჩენილი თითების ანაბეჭდებს.
10. სველი ხელსახოცი უკვალოდ წმენდს დაბნეულ ფქვილს და შაქარს. რაც ყველაზე მთავარია, ამ ხელსახოცების რამდენჯერმე გამოყენებაა შესაძლებელი, რაც ფულის დაზოგვის საშუალებას მოგცემთ.