საჭირო ინგრედიენტები:
გასუფთავებული კომში - 1 კგ.
შაქარი - 350 გრ.
ლიმონმჟავა - 1/4 ჩაის კოვზი,
წყალი - 500 მლ.
მომზადების დრო - 2 საათი.
მოქმედება 1:
კარგად გარეცხილი კომში თხლად გაფცქვენით, შუაზე გაჭერით და კურკები ამოაცალეთ.
ამის შემდეგ, თხლად დაჭრილი კომში ქვაბში მოათავსეთ და იმდენი წყალი დაასხით, რომ ბოლომდე დაიფაროს.
ქვაბი დადგით ცეცხლზე და თვალყური ადევნეთ. დაახლოებით, 40-45 წუთში, როცა კომში დარბილდება, ცეცხლიდან გადმოდგით და გააგრილეთ.
მოქმედება 2:
ქვაბიდან ზედმეტი წყალი გადმოღვარეთ და დარბილებული კომში პიურეს საჭყლეტით ან ხელის ბლენდერით კარგად დასრისეთ.
მოაყარეთ შაქარი და ლიმონმჟავა და კარგად აურიეთ.
კომშის პიურე დაბალ ცეცხლზე დადგით.
დაახლოებით, ნახევარ საათში, როცა კარგად გასქელდება, ცეცხლიდან გადმოდგით, ცხელ-ცხელი ჩაასხით წინასწარ გარეცხილ და გასტერილებულ ქილებში და მოხუფეთ.
შენიშვნა:
კომშის ნაფცქვენი და კურკები არავითარ შემთხვევაში არ გადაყაროთ. გააშრეთ და შეინახეთ.
გახსოვდეთ, კომშის კანი და კურკები უებარი წამალია - ჩვეულებრივი კომპოტივით მოხარშეთ, ოდნავ დაატკბეთ და ხველების დროს დალიეთ.
