წვრილად დაჭრილი კომბოსტოს მწნილი ბულგარულად

რჩევები დიასახლისებს

7 ნოემბერი 12:00, 2016 წელი
153

ზოგიერთს ჰგონია, რომ წვრილად დაჭრილი კომბოსტოს მწნილი რუსული სამზარეულოს შემადგენელია, თუმცა ეს ასე არ გახლავთ. ამ უგემრიელეს პროდუქტს კარგად იცნობენ უკრაინის, ბელორუსის, ბულგარეთის, გერმანიის, პოლონეთისა და ჩეხეთის სამზარეულოები. კომბოსტოს მწნილი აადვილებს საჭმლის მონელების პროცესს და ვიტამინებით ღარიბი ზამთრისა და გაზაფხულის მნიშვნელოვან კვების პროდუქტად მიიჩნევა. 

უმ კომბოსტოსთან შედარებით, კომბოსტოს მწნილი C ვიტამინის გაცილებით მეტ რაოდენობას შეიცავს. ასე რომ, თუ გსურთ, თქვენი ოჯახის წევრები ზამთრის პერიოდისთვის აუცილებელი ვიტამინებით მოამარაგოთ, საქმეს შეუდექით.

3-ლიტრიანი ქილისთვის საჭირო პროდუქტები:


კომბოსტო - 3 კგ.
მარილი - დაახლოებით, 50 გრ.
სტაფილო - 2 ცალი.


მომზადების წესი:


კომბოსტო და სტაფილო კარგად გარეცხეთ და გაასუფთავეთ.
ამის შემდეგ კომბოსტო ჩვეულებრივი ან სპეციალური დანის საშუალებით წვრილად დაჭერით.
ცალკე ჯამში გახეხეთ სტაფილო, დაუმატეთ მარილი და კომბოსტოსთან ერთად აურიეთ.
წინასწარ გარეცხილ ქილაში კომბოსტოსა და სტაფილოს ნარევი მჭიდროდ მოათავსეთ. შემდეგ კი ხელის დაჭერით, ბოლომდე გაავსეთ.
ქილას თავზე სანახევროდ დაახურეთ, ღრმა ჯამში ჩადგით და დუღილის პროცესის დასრულებამდე (სამი-ოთხი დღე) ოთახის ტემპერატურაზე დატოვეთ. ქილა დღეში რამდენჯერმე შეანჯღრიეთ და გრძელი დანის ან ხის ჩხირის დახმარებით დაჩხვლიტეთ, რათა დაგროვილი აირებისგან განთავისუფლდეს.
3-4 დღის შემდეგ, ქილას პლასტმასის თავსახური დაახურეთ და მაცივარში შედგით, სადაც დუღილის პროცესი დასრულდება.

გემრიელად მიირთვით!