კომპანიის საზოგადოებასთან ურთიერთობის და მარკეტინგის სამსახურის ხელმძღვანელ ბექა მჭედლიშვილის განცხადებით, მგზავრებს შეეძლებათ პირდაპირი რეისით - თბილისის საერთაშორისო აეროპორტიდან, ლონდონის Gatwick-ის აეროპორტში ჩაფრენა, რომელიც ბრიტანეთის ერთ-ერთ მთავარ აეროპორტს წარმოადგენს და მისი გამტარუნარიანობა 35 მილიონი მზგავრია წელიწადში.
აღნიშნულ რეისზე სლოტების მიღების შესახებ „ჯორჯიან ეარვეისი“ 5 თვის განმავლობაში აწარმოებდა მოლაპარაკებებს ლონდონის Gatwick-ის აეროპორტთან.
„ჯორჯიან ეარვეისი“ ლონდონის მიმართულებით პირველ რეისს 15 მაისს განახორციელებს.
რეისები კვირაში ორჯერ - ორშაბათს და შაბათს შესრულდება და ბილეთის ფასი 99 ევროდან დაიწყება.