მარნეულსა და კობილნიცას შორის ურთიერთთანამშრომლობის მემორანდომი გაფორმდება

საკნატუნო ამბები

20 მარტი 11:49
77

მარნეულის მუნიციპალიტეტს პოლონეთის რესპუბლიკის ოფიციალურ დელეგაცია ესტუმრება. დღეს, 20 მარტს, 3-დღიანი ვიზიტის ფარგლებში, მარნეულის მუნიციპალიტეტში პომერანიის სავოევოდოს, კობილნიცის და კარტუზის წარმომადგენლობითი დელეგაცია ჩამოდის. დელეგაციის წარმომადგენლებს მარნეულის მუნიციპალიტეტის გამგებელი მერაბ თოფჩიშვილი ადგილობრივი თვითმმართველობის სხვა ხელმძღვანელ პირებთან ერთად უმასპინძლებს.

აღსანიშნავია, რომ  მარნეულის ადგილობრივ თვითმმართველობასა და პოლონეთის პომერანიის სავოევოდოს, კობილნიცას თვითმმართველობებს შორის ეკონომიკური განვითარებისა და პარტნიორული კავშირების ხელშეწყობის მიზნით ურთიერთანამშრომლობის მემურანდომი გაფორმდება.


5-წლიანი ურთიერთანამშრომლობის მემორანდუმი ითვალისწინებს თვითმმართველობების თანამშრომლობის პოპულარიზაციას, კულტურის, სპორტის,  ტურიზმის,  ეკონომიკური საქმიანობის, ახალგაზრდული პოლიტიკის განვითარების ხელშეწყობას სასწავლო გაცვლითი პროგრამების სახით.


ვიზიტის ფარგლებში დაგეგმილია შეხვედრები ქვემო ქართლის მხარის გუბერნიაში, რუსთავის, ბოლნისისა და დმანისის მუნიციპალიტეტებში.


ცნობისათვის -  მარნეულის მუნიციპალიტეტმა პოლონეთის პომერანიის სავოევოდოსთან საქმიანი კავშირები აქტიურად ჯერ კიდევ გასულ წელს დაამყარა. შედეგად, ადგილობრივი თვითმმართველობებისთვის მოწყობილ  სასწავლო შეხვედრებზე მცირე მეწარმეობისა და ტურიზმის განვითარების მიმართულებით  პრაქტიკის გაზიარების მიზნით პოლონეთში რამოდენიმე სასწავლო ვიზიტი განხორციელდა.