პრეზიდენტმა ბიბლიოთეკის შიდა ინტერიერი დაათვალიერა და შთაბეჭდილებების წიგნში პირველი ჩანაწერი დატოვა.
აღსანიშნავია, რომ მუნიციპალიტეტში ამ დრომდე არ არსებობდა ბიბლიოთეკა, გამომდიანრე აქედან, მოქალაქეების სურვილის გათვალისწინებით და გამგებლის ინიციატივით, 2014 წელს ოქტომბერში, ქალაქ მარნეულის ცენტრალურ ქუჩაზე რუსთაველის #71–ში დაიწყო,
შენობა ორსართულიანია, გადაწყვეტილია რკინა–ბეტონის მონოლითურ კარკასში და არის მართკუთხა ტრაპეციული ფორმის. შენობას აქვს გადაშლილი წიგნის ფორმა.
უნდა აღინიშნოს, რომ მარნეულში მცხოვრებთ მსგავსი სერვისით სარგებლობის შესაძლებლობა არასდროს ჰქონიათ. მომხმარებლებს ამ სივრცეში ექნებათ საშუალება, ლიტერატურის მოძიებისთვის გამოიყენონ როგორც ფიზიკურად არსებული წიგნის ფონდი, ისე ელექტრონული რესურსი და ინტერნეტით მოპოვებული საჭირო ინფორმაცია.
ახლად გახსნილი ბიბლიოთეკა იქნება საუკეთესო ადგილი ლიტერატურული საღამოების მოსაწყობად, კონფერენციების, ტრეინიგებისა და საქმიანი შეხვედრების ორგანიზებისთვის.
ბიბლიოთეკის ფუნქციონირება ხელს შეუწყობს მარნეულში სხვადასხვა ეთნოსების ინტეგრაციას, კულტურული ურთიერთიერთობების გაღრმავებას და ტოლერანტული დამოკიდებულების განმტკიცებას.
შენობაში განთავსებულია საბიბლიოთეკო, სამუზეუმო, კულტურული მემკვიდრეობისა და ტურიზმის მიმართულების სივრცეები.
შენობა აღიჭურვა თანამედროვე ინვენტარით – ავეჯითა და სუვენირებით. ბიბლიოთეკის წინ მოეწყო სკვერიც.
პროექტის ფარგლებში გამწვანდა აღნიშნული ტერიტორია ბალახითა და ბუჩქოვანი ხე-მცენარეებით.
სკვერის ტერიტორიაზე ასევე აშენდა მცირე ზომის ერთსართულიანი კაფე ტერასით, რომელიც გათვლილია მხოლოდ მზა პროდუქციისა და უალკოჰოლო სასმელის რეალიზაციისათვის.
მარნეულის მუნიციპალიტეტის ადმინისტრაციის ინფორმაციით, ბიბლიოთეკის მშენებლობისთვის, ინვენტარითა და საჭირო დეკორაციებით აღჭურვისთვის, სკვერის მოწყობისთვის ადგილობრივი ბიუჯეტიდან, ჯამში, 336 048 ლარი დაიხარჯა.