როგორც დასავლური საინფორმაციო საშუალებები იუწყებიან, ცოლ-ქმარს მეორე ვაჟი ჯერ კიდევ მარტის დასაწყისში შეეძინათ.
შერლოკი მამა გახდა
საკნატუნო ამბები
ახალდაბადებულ ვაჟს მსახიობმა ბენედიქტ კამბერბეჩმა და მისმა მეუღლემ სოფი ჰანტერმა ძალიან უცნაური სახელი შეურჩიეს...
-
წყვილმა მიიღო გადაწყვეტილება, ეს სასიხარულო ამბავი რაც შეიძლება დიდხანს საიდუმლოდ დაეტოვებინა. თუმცა პრესაში უკვე გაჩნდა ინფორმაცია იმის შესახებ, რომ მსახიობებმა ახალდაბადებულ ვაჟს ძალიან უჩვეულო სახელი შეურჩიეს.
-
თავიანთ მეორე ვაჟს 40 წლის ბენედიქტ კამბერბეჩმა და სოფი ჰანტერმა ჰალი დაარქვეს - როგორც შექსპირის ერთ-ერთ პიესაში ახალგაზრდა პრინცს ერქვა, რომელსაც მომავალში მეფე ჰენრი V-ის ტიტულის ტარება ეწერა. საქმე ისაა, რომ რამდენიმე წლის წინათ მსახიობმა მონაწილეობა მიიღო სერიალ „ცარიელი გვირგვინის“ გადაღებებში, რომლებიც უილიამ შექსპირის ისტორიული პიესების ეკრანიზაციებისგან შედგებოდა. ერთ-ერთ სერიაში ახალგაზრდა ჰალის როლს ბენედიქტის ახლო მეგობარი ტომ ჰიდლსტონი ასრულებდა.
-
შეგახსენებთ, რომ „შერლოკისა“ და რეჟისორ სოფი ჰანტერის რომანის შესახებ 2014 წელს გახდა ცნობილი, ნოემბერში წყვილი დაინიშნა. 14 თებერვალს ერთგულება შეჰფიცეს ერთმანეთს და უკვე ივნისში პირველი ვაჟი კრისტოფერი შეეძინათ.
© ყველა უფლება დაცულია MELON
