კახა კუხიანიძე: ჩემს კოლეგებს, მეგობრებს თუ ჟურნალისტებს ჩემი ემოცია გავუზიარე და მიხარია, რომ ყველაფერი ზუსტად ისე მიიღეს, როგორც გადავეცი. დამსწრე საზოგადოების ემოციებზე მივხვდი, რომ ყველაფერი გამომივიდა.
- ვინ არის კლიპის რეჟისორი?
- ერთი კონკრეტული რეჟისორი არ მყოლია. კლიპზე რამაზ გუნავამ, მარიკა ქურთუბაძემ და გიგი თევზაძემ იმუშავეს. თემო საჯაიამ კი ტექსტის ავტორობას საუკეთესოდ გაართვა თავი. პაატა ანდრიაძემ შესანიშნავი აკომპანირება გამიკეთა. ბედნიერი ვარ, რომ ყველაფერი ისე გამოვიდა, როგორც ჩავიფიქრე.
მაიკო კაჭკაჭიშვილი: ეს სიმღერა 6 თვის წინ ჩემთვის დავწერე. კახას რომ მოვასმენინე, ძალიან მოეწონა. მის ხმასაც საოცრად მოუხდა და ბედნიერი ვარ, რომ ისე შეასრულა, როგორც წარმომედგინა. ვულოცავ მას ამ წარმატებას!
ნუცა ჯანელიძე: სიმღერაც ძალიან მომეწონა, კახას შესრულებაც, მაგრამ პაატა ანდრიაძეს ამ სიმღერის აკომპანირებაში და ლამაზად მოწოდებაში ლომის წილი აქვს. ამიტომ, მინდა, ამ ნიჭიერ ადამიანთა გუნდს დიდი წარმატება ვუსურვო. ასეთი შეხვედრები ღმერთმა გვიმრავლოს!
