მფრინავი ჰამაკი ხაშურში - მოჩვენება თუ რეალობა?!

საკნატუნო ამბები

19 აპრილი 19:53
1576

„თუკი ვინმე დრონს სახლის პირობებში ააწყობს ან არსებული მოდელის დრონის მოდიფიცირებას მოახდენს, შეუძლებელი არაფერია“ - განმარტავს ექსპერტი

ხაშურის თავზე მფრინავი ჰამაკის ვიდეო აქტუალურობას ამ მომენტამდე არ კარგავს. თუმცა, საინტერესოა, რამდენად შეუძლია დრონს ადამიანის აწევა და შესაბამისად, რამდენად რეალურია სოციალურ ქსელში გავრცელებული კადრები.


დრონების ერთ-ერთი სპეციალისტის, გიორგი დანელიას თქმით, ისეთი სიმძლავრის დრონი არ არსებობს, რომელიც ადამიანს ასე აიტაცებდა ჰაერში. გიორგი ასევე აღნიშნავს, რომ დრონს ეს წონა რომც აეწია, ბატარეების სიმძლავრე მაინც არ იქნებოდა საკმარისი, თუმცა, გარკვეული პირობების შემთხვევაში, შეუძლებელი არაფერია:


"დრონზე გამობმულ ჰამაკში ადამიანის ყოფნა მხოლოდ იმ შემთხვაშია შესაძლებელი, თუკი ამგვარ დრონს ვინმე საკუთარი ხელით ააწყობს, ან არსებული მოდელის დრონების მოდიფიცირებას მოახდენს და მასზე დამატებითი სიმძლავრე იქნება გამომუშავებული. სხვა მხრივ, შეუძლებელია ისეთი ქარხნული დრონის შეძენა ან გამოწერა, რომელიც ადამიანის წონას დაძლევს, რადგან მის ფუნქციას ძირითადად, კამერის გადაადგილებას წარმოადგენს. თუმცა , დრონს სხვადასხვა ფუნქციითაც ტვირთავენ. მაგალითად წამლავენ მცენარეებს 10 ლიტრიანი მოსარწყავი საშუალებით," - განმარტავს გიორგი დანელია.


აქვე აღსანიშნავია ისიც,რომ დღეს ფეისბუქზე გავრცელდა კიდევ ერთი ვიდეო, რომელშიც ჰამაკში მწოლიარე ადამიანის ხელის მოძრაობაც ჩანს. სავარაუდოდ, მას ბოთლი უჭირავს ხელში.  


ვიდეოს სანახავად გადადით ლინკზე: ვიდეო N1, ვიდეო N2