იაპონელი მეცნიერი მასახიტო ნაომი, საკუთარი კვლევის საფუძველზე, ადამიანის სისხლის ჯგუფსა და მის ხასიათს შორის კავშირს განსაზღვრავს.
მაშ ასე:
I ჯგუფის სისხლი
კაცი - მიზანდასახული, მუდმივად იღვწის მიზნის მისაღწევად. ოჯახურ ცხოვრებაში საიმედოა და შეგიძლიათ, თავისუფლად დაეყრდნოთ მას. თუმცა, ამგვარი მტკიცე ხასიათი ხშირად ზედმეტ აგრესიას იწვევს. ამ შემთხვევაში უნდა დაელოდოთ, როდის ჩადგება ქარიშხალი.
ქალი - ამბიციური, მუდმივად საქმეებში და საკუთარ თავზე ზრუნვაშია. ზოგჯერ ახლობლებისთვის დრო საერთოდ არ რჩება. საჭიროა გაჩერება და დაკვირვება, წინააღმდეგ შემთხვევაში შესანიშნავი მომენტები გვერდით ჩაუვლის.
კარგი თავსებადობა აქვთ I, II და IV სისხლის ჯგუფის მქონე პარტნიორებთან.
II ჯგუფის სისხლი
კაცი - პასუხისმგებლობას საკუთარ თავზე იღებს, მაგრამ ხშირად, პრობლემების გადაწყვეტა მისთვის ჭიანურდება. გამოთქმა: ასჯერ გაზომე, ერთხელ გაჭერი, სწორედ ამ სისხლის ჯგუფის მქონე ადამიანებისთვის არის დამახასიათებელი. ოღონდ ის არა ასჯერ, არამედ 150-ჯერ გაზომავს. მოიკრიბეთ მოთმინება და ნუ მოითხოვთ მისგან სწრაფ გადაწყვეტილებებს.
ქალი - ხშირად საკუთარ თავში დარწმუნებული არ არის და ეჭვები აწუხებს. რთულად იღებს გადაწყვეტილებებს, ელემენტარულ საკითხებშიც კი. ჰარმონიული ურთიერთობებისთვის მას სანდოობა, შექება და კომპლიმენტები სჭირდება. ამგვარი ქალებისთვის მნიშვნელოვანია, იგრძნონ მზრუნველობა და მხარდაჭერა.
კარგი თავსებადობა აქვთ I და III სისხლის ჯგუფის მქონე პარტნიორებთან.
III ჯგუფის სისხლი
კაცი - ის ადამიანი დღესასწაულია, ღიმილის შადრევანი და ზღვა მომხიბვლელობა. მზად არის, ნებისმიერ თემაზე გესაუბროთ. გულის სიღრმეში ძალიან საეჭვოა და თან ყველასთან ერთნაირად გულწრფელი არ არის. იმისთვის, რომ ამ ადამიანს ნამდვილად დაუახლოვდეთ, საჭიროა მისი ნდობის მოპოვება.
ქალი - ძალიან უყვარს ყურადღების ცენტრში ყოფნა. ასევე, უყვარს დღესასწაულები, მხიარულება. დასვენების დღეებში ხშირად იწყენს. ამგვარ ქალს აუცილებლად ხშირად უნდა მოუწყოთ დღესასწაულები, წინააღმდეგ შემთხვევაში მისი მოწყენილი სახის ყურება მოგიწევთ.
კარგი თავსებადობა აქვთ II და IV სისხლის ჯგუფის მქონე პარტნიორებთან.
IV ჯგუფის სისხლი
კაცი - ყოველთვის მარტივად პოულობს გამოსავალს, მაგრამ ბოლომდე გულწრფელი არასდროსაა. იმისთვის, რომ მასთან ბედნიერად იცხოვროთ, ხშირად უნდა მისცეთ მას თავისუფლება.
ქალი - მდიდრული და იდუმალი, ყოველთვის ორიგინალური და ახალი. ამგვარ ქალთან მოკრძალებული დამოკიდებულება უნდა გქონდეთ. ის შესანიშნავი მეუღლე და მეგობარია. მთავარია, იმედები არ გაუცრუოთ.
კარგი თავსებადობა აქვს I, III და IV სისხლის ჯგუფის მქონე პარტნიორებთან.