მეცნიერების მტკიცებით, ყავის სასარგებლო თვისებებში ეჭვი უკვე ცოტას თუ ეპარება. თუკი ადრე მას მავნე სასმელად მიიჩნევდნენ, ახლა ყველასთვის ცნობილია, რომ ის ხშირ შემთხვევაში შეუცვლელია. ყავა არა მხოლოდ აფხიზლებს, არამედ ამაღლებს განწყობას და ტვინის კოგნიტურ შესაძლებლობებს. ასევე, მას იყენებენ სხვადასხვა დაავადებების პროფილაქტიკისთვის.
ამ ინფორმაციას ისიც დაემატა, რომ ყავა სასიყვარულო ურთიერთობებს აუმჯობესებს და ადამიანები, რომლებიც რეგულარულად მიირთმევენ ამ ჯადოსნურ სითხეს, მეორე ნახევართან ურთიერთობას გაცილებით წარმატებით უძღვებიან.
ეს სიახლე მეცნიერებმა 70 წყვილზე შეამოწმეს. ოჯახები, რომლებშიც ყავას ხშირად მიირთმევენ, უფრო მშვიდად ცხოვრობენ და ურთიერთობისგან მაქსიმალურ სიამოვნებას იღებენ. ამასთანავე, მეცნიერები აღნიშნავენ, რომ მშვიდ ურთიერთობაში დიდი როლი აქვს ნორმალურ გამოძინებას. თუკი ადამიანებს ცოტა სძინავთ, ყავა უძილობის კომპენსირებას ახდენს.